18.04.2026 | 20:30
TikTok-յան քաղաքական պատերազմներ․ ինչպես են ԱԲ-ով կեղծում իրականությունը․ ՏԵՍԱՆՅՈւԹ
Եթե դպրոցներում դեպքերը լինեն 10 տոկոս կամ ավելին նրանք կդադարեն գործել․ԿԳՄՍ նախարարի տեղակալ. ՏԵՍԱՆՅՈՒԹ
Հասարակություն
26.08.2020 | 10:59
Յուրաքանչյուր դպրոցում նշանակվելու է Covid-19-ի տարածման կանխարգելման համար պատասխանատու անձ, և մինչև ուսումնական աշխատանքների սկսվելը պետք է իրականացվեն բոլոր անհրաժեշտ գործողությունները։ Այս մասին այսօր ասուլիսի ժամանակ հայտնեց ԿԳՄՍ փոխնախարար Ժաննա Անդրեասյանը։
Վերջինիս խոսքով՝ եթե դպրոցում կորոնավիրուսի հաստատված դեպքերը լինեն 10 տոկոս և ավելին, ապա դպրոցի հետագա գործունեության հարցը կդրվի և որոշ ժամանակով այդ դպրոցները չեն գործի․ «Մյուս բոլոր դեպքերում կլինեն առանձին մոտեցումներ՝ կախված համաճարակաբանական ընդհանուր իրավիճակից և ցուցումներից։ Նախատեսված է նաև թեստավորման գործընթաց դպրոցների աշխատակազմի համար, որի մանրամասները կհրապարակեն Առողջապահության նախաարության ներկայացուցիչները։ Նախատեսված են նաև մի շարք լուծումներ ռիսկի խմբում գտնվող ուսուցիչների և սովորողների համար։ Մասնավորապես՝ ռիսկի խմբում սովորողների համար նախատեսում ենք կենտրոնացված հեռավար ուսուցման կազմակերպում այն բոլոր դեպքերում, եբ նրանց առկա ուսուցումը ցուցված չի լինի։ Իհարկե սա պետք է լինի նաև ծնողի դիմումի հանգամանքից։ Ռիսկի խմբի ուսուցիչները, որոնք առողջական խնդիրների և տարիքի պատճառով գտնվում են կորոնավիրուսային հիվանդության ծանր զարգացման ռիսկի խմբում, կունենան մի շարք հնարավորություններ, մասնավորապես՝ նրանց առաջարկվել են դպոց հաճախել հատուկ պաշտպանիչ միջոցներով, որոնք կտրամադրի պետությունը, հավելյալ հեռավար դասերի կազմակերպումը այս ուսուցիչների կողմից, եթե դպրոցը կկարողանա ապահովել այդ պայմանները։ Եվ երրորդ տարբերակը՝ եթե այս ուսուցիչները կարող են ընտել նաև աշխատանքի չներկայանալու տարբերակը, որի դեպքում Աշխատանքային օրենսգրքով սահմանված կանոններով գոծընթացը կկազմակերպվի և կներգավվեն փոխարինվող ուսուցիչներ»,- նշեց փոխնախարարը։
Մանրամասները՝ տեսանյութում։
