06.11.2026 | 23:24
Նոյեմբերի 7-ին ՊԵԿ էլեկտրոնային համակարգերը երկու ժամով անհասանելի կլինեն
«Մենք չենք հասկանում ինչի հիման վրա են գերմանացի բժիշկները շտապում՝ օգտագործելով թունավորում բառը»․Պեսկովը Նավալնու թունավորման մասին
Քաղաքականություն
25.08.2020 | 19:19
Ռուսաստանի Դաշնության նախագահ Վլադիմիր Պուտինի մամուլի խոսնակ Դմիտրի Պեսկովն այսօր հայտարարել է, որ դեռ հիմքեր չկան հետաքննելու ռուս ընդդիմադիր գործիչ Ալեքսեյ Նավալնու հետ կատարվածը, քանի որ հստակ չէ, թե ինչ նյութով է նա թունավորվել։ Ռուսաստանի իշխանություններին մեղադրել ընդդիմադիր գործչին թունավորելու համար Պեսկովը համարել է «դատարկ աղմուկ»։ Հաղորդում է «Ինտերֆաքս»-ը։
«Մենք չենք հասկանում ինչի հիման վրա են գերմանացի բժիշկներն այդպես շտապում՝ օգտագործելով թունավորում բառը։ Այդ վարկածը մեր բժիշկներն առաջինն են դիտարկել, բայց դեռ հաստատված չէ, թե դա ինչ նյութ է», – ըստ աղբյուրի՝ ասել է Պեսկովը և հավելել, որ բժշկական հետաքննության արդյունքները Ռուսաստանում և Գերմանիայում համընկնում են, բայց եզրակացությունները տարբեր են։
«Հնարավոր է գերմանացիներն ինչ-որ տվյալներ ունեն։ Մեր բժիշկները պատրաստ են առաջին հետազոտության տվյալները տրամադրել»,- ասել է Պեսկովը:։
Ավելի վաղ Գերմանիայի «Շարիտե» հիվանդանոցից հայտնել էին, որ Նավալնին թունավորված է։ Կանցլեր Անգելա Մերկելն էլ Ռուսաստանի իշխանություններին կոչ էչ արել անհապաղ հետաքննություն սկսել։
