10.09.2026 | 11:35
Թրամփը հայտարարել է, որ Իրանի հետ պատերազմը կավարտվի ԱՄՆ միջանկյալ «ընտրություններից անմիջապես հետո»
Մեր հնարավորություններն ու ցանկությունները չեն համապատասխանում. նախարարը՝ աղքատության ցուցանիշների մասին
Հասարակություն
05.12.2017 | 17:56
Աղքատության կրճատման հիմնական նախապայմանը տնտեսական աճն է: Խորհրդարանում Ազգային վիճակագրական ծառայության հրապարակած աղքատության ցուցանիշների մասին Factor.am-ի հարցին ի պատասխան՝ ասաց Աշխատանքի և սոցիալական հարցերի նախարար Արտեմ Ասատրյանը:
Ըստ ԱՎԾ-ի տվյալների՝ 2016թ-ին Հայաստանում աղքատության մակարդակը կազմել է 29,4 %՝ նախորդ տարվա՝ 29,8 %-ի համեմատ:
«Կառավարության ծրագրով ամրագրված հիմնական մի քանի թիրախային ցուցանիշներից մեկը վերաբերում է աղքատության մակարդակին: Այդ առումով Կառավարության 2017-2022 թվականների ծրագրի բովանդակության հիմնական ուղղվածությունն իր մեջ ներառում է աղքատության կրճատման ուղղությամբ կառավարության կողմից իրականացվելիք միջոցառումների բոլոր ուղղությունները»,- նշեց Աշխատանքի և սոցիալական հարցերի նախարարը:
Ըստ Արտեմ Ասատրյանի՝ Կառավարության ցանկություններն ու հնարավորությունները չեն համապատասխանում: Անդրադառնալով Հայաստանում սոցիալական բևեռացվածությանը՝ Արտեմ Ասատրյանը նշեց, որ երևույթը միայն Հայաստանին չէ, որ բնորոշ է:
Շողիկ Գալստյան
