08.11.2024 | 18:38
Իսրայելը որոշել է զինվորական առաքելություն չուղարկել Ամստերդամ՝ իսրայելցի ֆուտբոլասերների վրա հարձակումից հետո
Ոստիկանությունը հսկում է Բեռլինի հիվանդանոցը, որտեղ բուժվում է Նավալնին
Քաղաքականություն
23.08.2020 | 14:29
Գերմանական ոստիկանությունը շուրջօրյա վերահսկողության տակ է առել Բեռլինի հիվանդանոցը, որտեղ բուժվում է ռուսաստանցի ընդդիմադիր գործիչ Ալեքսեյ Նավալնին:
МБХ медиа-ն հայտնում է, որ հիվանդանոցի մոտ հերթապահում են ոստիկանական մի քանի ավտոբուս, նաև տասը հոգուց բաղկացած ոստիկանական խմբեր կան հիվանդանոցի մերձակայքում։
Նավալնին Բեռլին է տեղափոխվել օգոստոսի 22-ի վաղ առավոտյան։ Ընդդիմադիր գործչի առողջական վիճակը կտրուկ վատթարացել էր երեք օր առաջ՝ Տոմսկից Մոսկվա թռչող օդանավում, որի անձնակազմը ստիպված էր եղել արտակարգ վայրէջք կատարել Օմսկում: 44-ամյա Նավալնիին անգիտակից վիճակում տեղի հիվանդանոցի վերակենդանացման բաժանմունք էր:
Ընդդիմադիր գործչի աջակիցները պնդում են, որ նա թունավորվել է, Օմսկի հիվանդանոցի բժիշկները դա չեն հաստատում:
Բեռլինի «Շարիտե» հիվանդանոցից հայտնել են, որ մասնագետներն արդեն սկսել են Նավալնիի բուժզննումը։ Ստուգումների ավարտին՝ ընտանիքի թույլտվությամբ բժիշկները հիվանդության և բուժման մեթոդների վերաբերյալ հանդես կգան հայտարարությամբ:
