10.10.2026 | 18:18
ԶՈՒ ԳՇ պետն այցելել է մի շարք զորամասեր
Հրապարակի տոնածառը չի փոխվի, սառցե շատրվանները կմնան նույնը․ միջոցառումների համար, սակայն, կծախսվի 54 միլիոն դրամ
Տնտեսություն
05.12.2017 | 17:26
Այս տարվա տոնական միջոցառումների համար նախատեսված է 54 միլիոն դրամ։ Այսօր լրագրողների հետ հանդիպմանը, խոսելով 2018 թվականի տոնական միջոցառումների մասին, ասաց Երևանի քաղաքապետի տեղակալ Արամ Սուքիասյանը։ Նա նշեց, որ վերջին տարիների համեմատ՝գումարի չափը փոփոխվել է միայն անցած տարի. «Դա նախորդ բոլոր տարիներին հաստատված թիվն է, բացառությամբ` նախորդ տարվա, որից, ինչպես հայտնի է, որոշակի միջոցներ տրամադրվեցին սոցիալական ծրագրերին`պայմանավորված ապրիլյան պատերազմով»,- ասաց Արամ Սուքիասյանը:
Այս տարի քաղաքապետարանի կողմից շուրջ 23 հազար ընտանիքների կտրամադրվեն պարենային փաթեթներ, 40 հազար մանուկ կստանա քաղցրավենիքի փաթեթ, 4000 երեխա կմասնակցի ամանորյա տոնական ներկայացումների տարբեր թատրոններում։
Ի դեպ, փոխքաղաքապետը նշեց, այս տարի կլինեն մյուներից տարբերվող միջոցառումներ, հունվարի 3-ից կգործեն նաև թանգարանները: Դեկտեմբեր 8-ից կմեկնարկեն Կարապի լճի սահադաշտի աշխատանքները, 10-ից՝ Հյուսիսային պողոտայում արդեն ավանդական դարձած Սուրբծննդյան տոնավաճառը: Իսկ դեկտեմբերի 19-ին կվառվեն Հանրապետության հրապարակում տեղակայված տոնածառի լույսերը, որն այս տարի փոփոխության չի ենթարկվի:
«Անկեղծ ասած, փորձ արեցինք մասնավորների հետ աշխատանք տանելու, այդ ծախսը հայտնի չէ` որքանով արդարացված կլիներ, եթե համայնքային բյուջեից մենք անեինք։ Բայց ամեն տարի փորձում ենք տարբեր տեսակի ձևավորմամբ, լուսային մոտեցումներով, խաղալիքների տարատեսակ դրսևորումներով մի քիչ այլընտրանք բերել մեր մայր տոնածառին»,- նշեց պաշտոնյան:
Փոխքաղաքապետից նաև ճշտեցինք՝ որն է պատճառը, որ Հանրապետության հրապարակի ձևավորումը չի փոխվում, նա, սակայն, նշեց, որ փոփոխություններ լինում են, չեն փոխվում միայն սառցե շատրվանները։
Լիլիթ Շաբոյան
