13.11.2026 | 00:20
Եղիշե Մելիքյան. «Ցուցադրեցինք սուր և կարգապահ ֆուտբոլ». ՏԵՍԱՆՅՈՒԹ
Սաակաշվիլու կողմնակիցները նրան դուրս են բերել ոստիկանական մեքենայից, այժմ նա հանրահավաք է անցկացնում Կիևի կենտրոնում (ուղիղ)
05.12.2017 | 16:56
Կիևում Սահակաշվիլիի կողմնակիցներին հաջողվել է նրան ազատ արձակել Ուկրաինայի անվտանգության ծառայության աշխատակիցներից. հաղորդում է Телеканал Дождь-ը:
Վրաստանի նախկին նախագահ Միխեիլ Սաակաշվիլին քիչ առաջ հազարավոր կողմնակիցների օգնությամբ կարողացել է դուրս գալ ոստիկանական մեքենայից: Այժմ նա հանրահավաք է անցկացնում Կիևի կենտրոնում՝ կոչ անելով ուկրաինացիներին Մայդան դուրս գալ և խաղաղ ճանապարհով հասնել իշխանափոխության:
Հիշեցնենք, որ այսօր առավոտյան, երբ ուժայիններն այցելել էին Միխեիլ Սաակաշվիլու բնակարան՝ խուզարկության, նա բարձրացել էր շենքի տանիք ու սպառնացել ցած նետվել: Քիչ անց ոստիկաններին հաջողվել էր ընդդիմադիր գործչին հետ քաշել տանիքից: Մինչ այդ, սակայն շենքի բակում հավաքվել էին նրա կողմնակիցներն ու բախվել ոստիակնների հետ: Ապա նրան ձերբակալել էին:
Ստորև դիտեք Սաակաշվիլու ազատ արձակման տեսանյութը:
