26.10.2026 | 17:55
Ալեն Սիմոնյանն ու ԵՀ ներկայացուցիչը քննարկել են Հայաստանի տնտեսական դիվերսիֆիկացման հարցերը
Սուրբ Սոֆիայից հետո Թուրքիայում այժմ Հորայի վանքն են ցանկանում վերածել մզկիթի
Մշակույթ
21.08.2020 | 14:12
Թուրքիայի կառավարությունը մտադիր է մզկիթի վերածել Ստամբուլի Հորա վանքը, որտեղ գտնվում է Սուրբ Փրկչի նշանավոր ուղղափառ եկեղեցին: Այս մասին հայտնում է ՌԻԱ Նովոստին՝ հղում տալով հունական հանրային ERT հեռուստաընկերությանը:
Նշվում է, որ վանքը Կոմնինյան կայսրության դարաշրջանի ամենանշանավոր բյուզանդական հուշարձաններից մեկն է, որը հայտնի է իր հանճարեղ որմնանկարներով:
Քրիստոնեական սրբավայրի հարցը փոխանցվել է Թուրքիայի կրոնական հարցերով զբաղվող գրասենյակին: Ակնկալվում է, որ մզկիթի վերածվելու դեպքում վանքի ներսում գտնվող բյուզանդական որմնանկարները կփակվեն:
ՌԻԱ Նովոստին հաղորդում է, որ Թուրքիայի Կրոնական հարցերի գրասենյակի փոխանցած տեղեկությամբ՝ Հորայի վանքը վերածվելու է մուսուլմանական աղոթքների անցկացման վայրի։
Հորա վանքը կառուցվել է 534 թվականին և գտնվում է Ստամբուլի Ֆաթիհ շրջանում: Շենքը վերածվել է մզկիթի 1511 թվականին՝ Կոստանդնուպոլսի նվաճումից հետո: 1945-ին այն ստացել է թանգարանի կարգավիճակ:
Հիշեցնենք՝ 2020 թվականի հուլիսին մզկիթի վերածվեց նաև Ստամբուլի Սուրբ Սոֆիայի աշխարհահռչակ տաճարը։
Նելլի Մելքոնյան
