12.01.2026 | 10:11
Լարս ավտոճանապարհը փակ է
Մտնում են մահացած քաղաքացու տուն և ասում՝ 5 րոպե առաջ մահացել է, թոշակը չենք տա. Նաիրա Զոհրաբյան
Հասարակություն
05.12.2017 | 15:08
Ազգային ժողովում «Ծառուկյան» խմբակցության պատգամավոր Նաիրա Զոհրաբյանը դիմեց Աշխատանքի և սոցիալական հարցերի նախարար Արտեմ Ասատրյանին՝ խնդրելով պարզբանել հետևյալ հարցը. «Ես զանգ եմ ստացել մի քաղաքացուց, որի ամուսինը նոր է մահացել: Տղամարդու մահանալուց 15 րոպե հետո եկել է թոշակ հանձնողը և հրաժարվել է թոշակը տալ: Ասել է՝ «քանի որ ինքը 15 րոպե առաջ մահացել է, մենք չենք կարող իրեն տալ այս ամսվա կենսաթոշակը», այսինքն՝ եթե մարդը մի 15 րոպե հետո մահանար, նա կստանար իր թոշակը: Հասկանում եմ, որ կա օրենք, բայց այստեղ, կարծում եմ՝ մենք գործ ունենք նաև հարցի բարոյական կողմի հետ, հատկապես, որ ընտանիքը ծայրահեղ չքավոր է»:
Նախարար Արտեմ Ասատրյանը պարզաբանեց. «Գումարը պարտադիր կվճարվի, բնականաբար, կանխիկ վճարելու համար պարտադիր է ստացողի ստորագրությունը, հետևաբար, որ չի վճարել, դա օրենքի շրջանակներում է, բայց կինը կամ հարազատներից մեկը, օրինակ, մյուս ամիս կարող է դիմել, ու այդ չվճարված գումարը կվճարվի, դա միանշանակ վճարման ենթակա գումար է»:
Մանրամասները՝ տեսանյութում:
