08.11.2024 | 20:43
Կապանում ՍՊԸ-ի տնօրենին ծանր մարմնական վնասվածքներ հասցնելու վարույթով կալանավորվել է երկու անձ. ՔԿ
Թրամփը պաշտոնական Մոսկվայի հետ կխոսի Բելառուսի մասին
Քաղաքականություն
19.08.2020 | 12:45
ԱՄՆ նախագահ Դոնալդ Թրամփը հայտարարել է, որ «պատեհ պահին» կխոսի պաշտոնական Մոսկվայի հետ Բելառուսում շարունակվող ցույցերի մասին, որոնք, ըստ նրա, հիմնականում «խաղաղ են ընթանում», հաղորդում է Reuters-ը:
«Ես սիրում եմ ժողովրդավարություն տեսնել: Դա շատ կարևոր է: Բայց, կարծես թե, Բելառուսում, շատ ժողովրդավարություն չկա»,- Թրամփն ասել է նախօրեին Սպիտակ տանը լրագրողների հետ հանդիպման ժամանակ:
ԱՄՆ նախագահն այլ մանրամասներ չի հայտնել, միայն հավելել է, որ կխոսի նաև այլ անձանց հետ:
Հիշեցնենք, որ այսօր տեղի է ունենալու ԵՄ արտակարգ գագաթնաժողով, որի ընթացքում ԵՄ անդամ 27 երկրները կքննարկեն Բելառուսում տիրող իրավիճակը: Գագաթնաժողով հրավիրելու առաջարկով նախորդ շաբաթ հանդես էր եկել Լեհաստանի վարչապետ Մատեուշ Մորավեցկին, որն ասել էր, որ «Լեհաստանը պատասխանատվություն է կրում իր հարևանների համար»։ Ակնկալվում է, որ հանդիպման ժամանակ ԵՄ անդամ երկրները կքննարկեն նաև Բելառուսի նկատմամբ պատժամիջոցներ կիրառելու հարցը:
