12.12.2024 | 14:33
Բացվել է «Երեկ և այսоր. Ժակ դը Մորգանի հետքերով» հայ-ֆրանսիական միջազգային ցուցահանդեսը
Տիխանովսկայան կոչ է անում եվրոպական երկրների առաջնորդներին չճանաչել Բելառուսում կայացած ընտրությունների արդյունքները
Քաղաքականություն
19.08.2020 | 11:47
Բելառուսի նախագահի ընդդիմադիր թեկնածու Սվետլանա Տիխանովսկայան այսօր դիմել է Եվրոպայի Խորհրդին՝ կոչ անելով եվրոպական երկրներին չճանաչել Բելառուսում օգոստոսի 9-ին կայացած նախագահական ընտրությունների արդյունքները, հաղորդում է ՌԻԱ Նովոստին։
«Բելառուսի քաղաքներում իրենց ձայնը պաշտպանելու համար փողոց դուրս եկած մարդիկ դաժան ծեծի են ենթարկվել, զրկվել ազատությունից և խոշտանգվել ռեժիմի կողմից, որը կառչած է իշխանությունից: Կան հարյուրավոր վիրավորներ, առնվազն երկու մարդ է զոհվել։ Դա տեղի է ունենում հենց հիմա Եվրոպայի կենտրոնում»,- ասել է նա:
Տիխանովսկայան հավելել է, որ երկրի ազգային համակարգող խորհուրդը կկազմակերպի արդար և ժողովրդավարական նախագահական ընտրություններ՝ միջազգային դիտորդների մասնակցությամբ:
Հիշեցնենք, որ այսօր տեղի է ունենալու ԵՄ արտակարգ գագաթնաժողով, որի ընթացքում ԵՄ անդամ 27 երկրները կքննարկեն Բելառուսում տիրող իրավիճակը: Գագաթնաժողով հրավիրելու առաջարկով նախորդ շաբաթ հանդես էր եկել Լեհաստանի վարչապետ Մատեուշ Մորավեցկին, որն ասել էր, որ «Լեհաստանը պատասխանատվություն է կրում իր հարևանների համար» ։
