15.06.2026 | 21:45
Երևանում և 10 մարզում էլեկտրաէներգիայի անջատումներ կլինեն
Տեղի կունենա Հայկ Մելիքյանի և Հայաստանի պետական սիմֆոնիկ նվագախմբի լարային կազմի համերգի առցանց ցուցադրությունը
Մշակույթ
18.08.2020 | 19:30
Հայաստանի պետական սիմֆոնիկ նվագախումբը շարունակում է համերգների առցանց ցուցադրությունը։
«Օգոստոսի 20-ին՝ ժամը 19.00‚ հրավիրում ենք միանալու ՀՀ վաստակավոր արտիստ, դաշնակահար Հայկ Մելիքյանի և Հայաստանի պետական սիմֆոնիկ նվագախմբի լարային կազմի համերգին‚ որը կայացել է «Music 20» առցանց միջազգային փառատոնի ընթացքում։ Համերգը ղեկավարում է դիրիժոր Ռուստեմ Աբյազովը։
Համերգային ծրագրում կարող եք ունկնդրել Տիգրան Մանսուրյանի Ֆանտազիա թիվ 1 դաշնամուրի և լարային նվագախմբի համար‚ Վալենտին Սիլվեստրովի Էպիտաֆիա դաշնամուրի և լարային նվագախմբի համար ստեղծագործությունները»,- ասված է նվագախմբի լրատվական ծառայության տարածած հաղորդագրությունում:
