08.11.2024 | 19:00
Թրամփը գուցե զոհաբերի ԱՄՆ-ի դերը Կովկասում ՌԴ-ի հետ հարաբերությունը բարելավելու համար․ Համբիկ Սարաֆյան․ ՏԵՍԱՆՅՈՒԹ
Նոր Զելանդիայում խորհրդարանական ընտրությունները հետաձգվել են կորոնավիրուսի վարակի նոր բռնկումների պատճառով
Քաղաքականություն
17.08.2020 | 12:04
Նոր Զելանդիայի իշխանությունները կորոնավիրուսային համավարակի նոր բռնկումների պատճառով 4 շաբաթով հետաձգել են խորհրդարանական ընտրությունները, հայտնում է CNN-ը:
Երկրի վարչապետ Ջասինդա Արդերն ասել է, որ ընտրությունները տեղի կունենան հոկտեմբերի 27-ին: Նա հավելել է, որ «չնայած ընտրությունների ամսաթիվը փոխելու որոշումը վերապահված է վարչապետին, նախքան վերջնական որոշում կայացնելն ինքը խորհրդակցել է քաղաքական բոլոր ուժերի ղեկավարների հետ»:
«Ամենից կարևորը մեր ընտրողների և մեր ժողովրդավարության շահերն են: Ընտրությունների ամսաթիվը վերանայելու ցանկացած որոշում պետք է հնարավորինս զերծ լինի քաղաքական շահերից»,- ընդգծել է վարչապետը:
Հիշեցնենք, որ անցած շաբաթ՝ համավարակի հաղթահարումից 102 օր անց, Նոր Զելանդիայում կորոնավիրուսի նոր բռնկումներ են գրանցվել: Դեպքերի մեծ մասը գրանցվել է երկրի խոշորագույն Օքլենդ քաղաքում, որն ունի շուրջ 1,5 մլն բնակչություն: Արդյունքում, խստացվել են սոցիալական հեռավորության կանոններն ու սահմանափակումները:
