20.12.2025 | 17:32
Եղեգնաձորի տներից մեկում և ավտոտնակում հրդեհ է բռնկվել
Մեղուն թռչող դեղագործ է. Մարտունիում անցկացվեց «Մեղվաքամ 2020» փառատոնը
Մշակույթ
16.08.2020 | 13:49
Գեղարքունիքի մարզի Ճամբարակ համայնքի Մարտունի գյուղում օգոստոսի 15-ին ացկացվեց «Մեղվաքամ 2020» փառատոնը: Համավարակով պայմանավորված, այս տարի հյուրերը թեև քիչ էին, բայց մասնակցելու ցանկություն հայտնած մարտունեցիներն էին շատ: Ինչպես տեղեկացնում է «Արմենպրես»-ը միջոցառումը կազմակերպվել էր «Իմ Ագրոամառը» միջազգային ամառային ճամբարի և Մեղվաբուծության զարգացման կենտրոնի հետ, «Հայկական Կարիտաս» բարեսիրական հասարակական կազմակերպության «Արամազդ. Սմարթ» ծրագրի շրջանակներում:
«Տոնը դարձել է ավանդույթ։ Ցանկությունը մեկն է` ներկայացնել մեր տարածաշրջանում արարող մարդկանց աշխատանքներն ու թարմ մթերքները, ճանաչելի դարձնել մեր համայնքը նաև որպես տուրիստական ուղղություն: Նպատակը համայնքային ռեսուրսներով համայնքի զարգացումն ապահովելն է»,- ասաց միջոցառման համակազմակերպիչ, «Իմ Ագրոամառը» միջազգային ամառային ճամբարի ղեկավար Սաթենիկ Խաչատրյանը:
Փառատոնի ընթացքում հյուրերը ծանոթացան օճառի, մոթալ պանրի պատրաստման առանձնահատկություններին, համտեսեցին տարածաշրջանում արտադրվող մթերքները, իսկ միջոցառման ամենահետաքրքիր հատվածը մեղրաքամն էր. ցանկացողները միացան, հետո էլ համտեսեցին ու վստահեցրին` սեփական ձեռքով քամած մեղրն իսկապես յուրահատուկ համ ունի:
Փորձառու մեղվաբույծ Հայկ Հովհաննիսյանը, ներկայացնելով մեղվաքամի ընթացքը, բացեց իրենց առողջության գաղտնիքն է: «Մեղր ուտողը չի հիվանդանա: Մեղուն թռչող դեղագործ է»:
Կազմակերպիչները հուսով են, որ հաջորդ տարի փառատոնն ավելի շատ հյուրերով կանցնի։ Նրանք արդեն նոր ծրագրեր ունեն:
