28.11.2024 | 12:31
Դուդայի՝ հայ-ադրբեջանական սահման այցի համար Բաքվում Լեհաստանի գործերի հավատարմատարը կանչվել է ԱԳՆ
ՄԱԿ-ի ԱԽ-ն չի ընդունել Իրանի դեմ զենքի էմբարգոն երկարաձգելու հարցով ԱՄՆ-ի բանաձևը
Քաղաքականություն
15.08.2020 | 13:31
ՄԱԿ-ի Անվտանգության խորհուրդը չի ընդունել Իրանի դեմ զենքի էմբարգոն երկարաձգելու հարցով ԱՄՆ-ի բանաձևը: Քվեարկության ժամանակ երկրների մեծամասնությունը ձեռնպահ է մնացել: Այս մասին հայտարարել է ՄԱԿ-ում Ինդոնեզիայի մշտական ներկայացուցիչ Դիան Տրիանշահ Ջանին, հաղորդում է ՏԱՍՍ-ը:
«Բանաձևի օգտին քվեարկել է երկու երկիր, ևս երկու երկիր դեմ է քվեարկել, 11 երկիր ձեռնպահ է մնացել: Այդպիսով, փաստաթուղթը չի ընդունվել»,- ասել է նա:
Գործակալության տվյալներով՝ դեմ են քվեարկել Ռուսաստանն ու Չինաստանը, կողմ են քվեարկել ԱՄՆ-ը և Դոմինիկյան Հանրապետությունը, ձեռնպահ են մնացել Ֆրանսիան, Մեծ Բրիտանիան, Բելգիան, Գերմանիան, Վիետնամը, Հարավային Աֆրիկան, Ինդոնեզիան, Նիգերը, Սենտ Վինսենտը և Գրենադինները, Թունիսն ու Էստոնիան:
Իրան զենքի ներկրման սահմանափակումների գործողությունների ժամկետը՝ համաձայն միջուկային գործարքի պայմանների, լրանում է 2020 թվականի հոկտեմբերի 18-ին:
