20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Դոնալդ Թրամփը Նուբար Աֆեյանի «Moderna»-ից 100 միլիոն նմուշ պատվաստանյութ կգնի. գործարքի գինը՝ 1.53 մլրդ դոլար
Տնտեսություն
12.08.2020 | 14:23
Երեքշաբթի օրը ԱՄՆ նախագահ Դոնալդ Թրամփը հայտարարել է, որ ԱՄՆ կառավարությունը ձեռք կբերի «Moderna» ընկերության՝ կորոնավիրուսի դեմ պատվաստանյութի՝ mRNA-1273-ի, 100 միլիոն դեղաչափ. հաղորդում է CNBC-ը:
«Moderna»-ն իր հերթին հայտնել է, որ գործարքի գինը կկազմի 1.53 մլրդ դոլար: Այն ԱՄՆ կառավարությանը հնարավորություն կտա անհրաժեշտության դեպքում ձեռք բերել եւս 400 միլիոն դեղաչափ:
ԱՄՆ-ն արդեն ներդրել է 955 միլիոն դոլար «Moderna»-ի պատվաստանյութի մշակման գործընթացում՝ իր ընդհանուր ներդրումների չափը հասցնելով 2,48 միլիարդ դոլարի:
Պատվաստանյութը այժմ գտնվում է փորձարկման վերջին փուլում: Այս փուլում նախատեսված է ներգրավել 30000 կամավոր՝ պատվաստանյութի արդյունավետությունն ու անվտանգությունը ստուգելու համար:
Ավելի վաղ, «Moderna» ընկերությունը, որի համահիմնադիրը հայազգի գործարար և բարերար Նուբար Աֆեյանն է, հայտնել էր, որ փորձարկման արդյունքները սպասվում են հոկտեմբերի սկզբին:
Նախքան «Moderna» -ի հետ համաձայնության գալը, ԱՄՆ կառավարությունը նմանատիպ պայմանավորվածություններ է ձեռք բերել նաև Pfizer, Johnson and Johnson և այլ դեղագործական ընկերություններւ հետ՝նրանցից պատվաստանյութեր գնելու համար:
