29.04.2026 | 10:12
Հայտնի է Արման Ծառուկյանի հաջորդ մրցակիցը RAF-ում
Ռուսաստանում շատ լավ գիտեն, որ Սերժ Սարգսյանը համաշխարհային ֆինանսական օլիգարխիայի սպասարկողն է. Աշոտ Մանուչարյան
Քաղաքականություն
04.12.2017 | 15:43
«Ղարաբաղ կոմիտեի» անդամ Աշոտ Մանուչարյանը լրագրողների հետ հանդիպմանը խոսելով ՀՀ-ԵՄ համաձայնագրի ստորագրումից հետո ռուսական որոշ լրատվամիջոցների արձագանքից, մասնավորապես ռուսական НТВ հեռուստաալիքի «Հանդիպման վայրը» հեռուստածրագրի ընթացքում ռուս մեկնաբանների, քաղաքագետների ու լրագրողների հնչեցրած կարծիքներից, նկատեց, որ ռուսական ԶԼՄ-ներին «ամենավերևից» Սերժ Սարգսյանին իր տեղը դնելու հրահանգ էր իջեցվել, սակայն նրանք «Սերժ Սարգսյանին հարվածելու փոխարեն, սկսեցին հայ ժողովրդին հարվածել ու արդյունքում երկու ժողովուրդների՝ հայերի ու ռուսների միջև սեպ խրել»:
«Սա անմիջական պատասխան գտավ նաև Հայաստանում ու սկսվեցին հայ-ռուսական հարվածները»,- ասաց Մանուչարյանը՝ ընդգծելով, սակայն, որ ամենակարևորը դա չէր:
«Ամենակարևոր տեղը, ուր ծավալվում էր կարևոր կոմպանիա՝ կապված Հայաստան-ԵՄ համաձայնագրի հետ, դա Վաշինգտոնն էր: Ի՞նչ կատարվեց Վաշինգտոնում. ասվեց, որ հայկական լոբբինգը ԱՄՆ-ում սպասարկում է Ռուսաստանին»,- ասաց նա, ապա խոսեց, իր կարծիքով, ևս մեկ կոպիտ սխալի մասին. «Սերժ Սարգսյանն այս եվրոպական գործում էլ ադեկվատ չի և ամենասարսափելին, որ ադեկվատությունը չի կարողանում իրականացնել նաև Հանրապետական կուսակցությունը»:
Բանախոսն ավելացրեց, որ Սերժ Սարգսյանը շատ լավ գիտի, որ իր հանդեպ մեծագույն անվստահություն է Ռուսաստանի մոտ. «Նրանք շատ լավ գիտեն, որ Սերժ Սարգսյանը սպասարկողն է համաշխարհային ֆինանսական օլիգարխիայի»:
Մանրամասները՝ տեսանյութում:
