02.04.2026 | 23:17
Պարսից ծոցի երկրները քննարկում են խողովակաշարերի կառուցման հարցը՝ Հորմուզի նեղուցով նավթ չմատակարարելու համար. FT
Լիբանանի կառավարությանը դեռևս հուլիսին զգուշացվել էր Բեյրութի նավահանգստում առկա պայթուցիկ նյութերի մասին
Քաղաքականություն
11.08.2020 | 13:12
Անցյալ ամիս Լիբանանի անվտանգության ծառայությունները նախազգուշացրել են երկրի վարչապետին և նախագահին, որ Բեյրութի նավահանգստում պահվող 2750 տոննա ամոնիումի նիտրատը վտանգ է ներկայացնում և պայթելու դեպքում, կարող է ոչնչացնել մայրաքաղաքը, հայտնում է Reuters-ը:
Ըստ աղբյուրի՝ Reuters-ի ներկայացուցիչները և անվտանգության բարձրաստիճան պաշտոնյաներից ոմանք տեսել են համապատասխան փաստաթղթերը:
Ընդամենը երկու շաբաթ անց արդյունաբերական քիմիական նյութերի պայթյունի հետևանքով ոչնչացավ նավահանգստի մեծ մասը, մահացավ առնվազն 163 մարդ, վիրավորվեց ևս 6000-ը և կործանվեց մոտ 6000 շենք:
Ազգային անվտանգության գլխավոր տնօրենի՝ պայթյունին նախորդող իրադարձությունների մասին զեկույցում խոսվում է հուլիսի 20-ին Նախագահ Միշել Աունին և վարչապետ Հասան Դիաբին հասցեագրված մի նամակի մասին:
Թեև նամակի բովանդակության մասին Reuters-ի տեսած զեկույցում ոչինչ չի նշվում, ըստ անվտանգության բարձրաստիճան պաշտոնյայի՝ այն ամփոփել է հունվարին արված դատական հետաքննության արդյունքները, որոնց համաձայն անհրաժեշտ էր անհապաղ ապահովել քիմիական նյութերի անվտանգությունը:
Այս զեկույցի մասին, որտեղ խոսվում է նախագահին և վարչապետին ուղարկված նամակի մասին, նախկինում չի խոսվել:
«Վտանգ կար, որ այդ նյութերը կարող են գողանալ և օգտագործել ահաբեկչական նպատակով», – պաշտոնյան ասել է Reuters-ի հետ զրուցում:
«Հետաքննության ավարտին գլխավոր դատախազը պատրաստեց վերջնական զեկույց, որն ուղարկվեց իշխանություններին»,-ասել է նա՝ նկատի ունենալով անվտանգության գլխավոր վարչության կողմից վարչապետին և նախագահին ուղարկված նամակը:
«Ես նրանց նախազգուշացրել եմ, որ պայթելու դեպքում, այդ նյութերը կարող են ոչնչացնել Բեյրութը»,-ասել է պաշտոնյան, ում ներկայությամբ գրվել է նամակը:
