10.06.2026 | 20:13
Վալերի Ծառուկյանը հեռացել է «Ախմատից»
Twitter-ի ղեկավարությունը Բելառուսում սոցցանցի արգելափակումը համարում է մարդու հիմնական իրավունքների ոտնահարում
Քաղաքականություն
11.08.2020 | 11:54
Ամերիկյան Twitter ընկերության ղեկավարությունը հայտնել է Բելառուսում Twitter սոցիալական ցանցի աշխատանքները խոչընդոտելու փորձերի մասին, հաղորդում է ՏԱՍՍ-ը:
Երեկ տարածած հայտարարություն մեջ ընկերությունն ասել է, որ իրենք հետևում են Բելառուսում սոցցանցի արգելափակման և խոչընդոտման փորձերին՝ ի պատասխան բողոքի ցույցերին, որոնց մասնակիցները կասկածի տակ են դնում նախագահական ընտրությունների արդյունքները:
«Ինտերնետի անջատումը լուրջ վնաս է ենթադրում: Սկզբունքորեն ոտնահարվում են մարդու հիմնական իրավունքները և ինտերնետի հասանելիության սկզբունքները», – ասված է հայտարարության մեջ:
Բելառուսի առաջատար «Բելտելեկոմ» ընկերությունը երկուշաբթի օրը հայտնել է, որ աշխատանքներ են տարվում ինտերնետի խափանումների վերացման ուղղությամբ, որոնք տեղի են ունեցել բազմաթիվ կիբերհարձակումների արդյունքում: Ըստ ընկերության՝ այդ հարձակումները իրականացվում են դրսից:
Նախօրեին գրանցվել են բջջային և լարային ցանցերի միջոցով հասանելիության հետ կապված դժվարություններ և ընդհատումներ Բելառուսի մի շարք քաղաքներում: Telegram-ը, YouTube-ը և որոշ սոցիալական ցանցեր ևս ունեցել են խնդիրներ:
Հիշեցնենք, որ օգոստոսի 9-ին Բելառուսում անցկացված նախագահական ընտրությունների պաշտոնական արդյունքների հրապարակումից հետո հազարավոր մարդիկ դուրս եկան փողոց՝ արտահայտելու իրենց դժգոհությունը իշխանությունների և ընտրակեղծիքների դեմ: Որոշ վայրերում բողոքի ակցիաները վեր են ածվել փողոցային անկարգությունների: Կան բազմաթիվ ձերբակալվածներ և վիրավորներ: Ըստ պաշտոնական տվյալների՝ ցուցարարներից մեկը մահացել է, երբ պայթուցիկ սարքը պայթել է ձեռքում:
