12.10.2026 | 23:18
Գազամատակարարման դադարեցումներ՝ Հայաստանի մի շարք հասցեներում
Սվետլանա Տիխանովսկայան հեռացել է Բելառուսից
Քաղաքականություն
11.08.2020 | 11:24
Բելառուսի նախագահական ընտրություններում ընդդիմության թեկնածու Սվետլանա Տիխանովսկայան հեռացել է Բելառուսից։ Նա այժմ գտնվում է Լիտվայում։ Այս մասին թվիթերի իր միկրոբլոգում գրել է Լիտվայի ԱԳ նախարար Լիսաս Լինկյավիչուսը՝ թվիթերյան իր էջում կատարած գրառումով։
«Սվետլանա Տիխանովսկայան Լիտվայում է, նրան որևէ վտանգ չի սպառնում»,- գրել է նա:
Հիշեցնենք, որ նախագահական ընտրությունների պաշտոնական արդյունքների հրապարակումից հետո, երբ երկրի ԿԸՀ-ն հայտնեց, որ հաղթել է Բելառուսի գործող նախագահ Ալեքսանդր Լուկաշենկոն, հազարավոր մարդիկ դուրս եկան փողոց՝ արտահայտելու իրենց դժգոհությունը իշխանությունների և ընտրակեղծիքների դեմ: Որոշ վայրերում բողոքի ակցիաները վեր են ածվել փողոցային անկարգությունների: Կան բազմաթիվ ձերբակալվածներ և վիրավորներ: Ըստ պաշտոնական տվյալների՝ ցուցարարներից մեկը մահացել է, երբ պայթուցիկ սարքը պայթել է ձեռքում: Բելառուսի ներքին գործերի նախարարությունը հաղորդել է, որ նա փորձել է չբացահայտված պայթուցիկ սարք նետել իրավապահների կողմը:
