03.08.2026 | 11:30
Թրամփը հայտարարել է, որ Իրանի հետ բանակցությունները երկուշաբթի կվերսկսվեն
Ադրբեջանի ԱԳ նախարարն առաջին պաշտոնական այցը կկատարի Թուրքիա
Քաղաքականություն
10.08.2020 | 19:18
Ադրբեջանի արտաքին գործերի նորանշանակ նախարար Ջեյհուն Բայրամովը վաղն իր առաջին արտասահմանյան պաշտոնական այցով կմեկնի Թուրքիա։ Այս մասին հաղորդում են ադրբեջանական լրատվամիջոցները։
«Ադրբեջանի ԱԳՆ ղեկավարը օգոստոսի 11-ին պաշտոնական այցով կժամանի Թուրքիա։ Սա Բայրամովի առաջին արտասահմանյան այցն է արտաքին գործերի նախարարի պաշտոնում»,- նշել են Թուրքիայի ԱԳՆ մամուլի ծառայությունում։
Բայրամովը թուրք գործընկեր Մևլութ Չավուշօղլուի հետ մտքեր կփոխանակի երկկողմ ու տարածաշրջանային խնդիրների, գլոբալ իրադարձությունների վերաբերյալ։
Նշենք, որ Ադրբեջանի նախագահ Իլհամ Ալիևը հուլիսի 16-ին Ջեյհուն Բայրամովին նշանակեց արտգործնախարարի պաշտոնում։ Մինչ այդ նա զբաղեցնում էր կրթության նախարարի պաշտոնը։
Բայրամովը փոխարինեց Ադրբեջանի երկարամյա արտգործնախարար Էլմար Մամեդյարովին։
