17.09.2026 | 19:24
Համաշխարհային օլիմպիադա. Շախմատի Հայաստանի հավաքականները երկրորդ հաղթանակը տարան
Երդման արարողություն Խանփերյանցի անվան ռազմական ավիացիոն համալսարանում․ ՏԵՍԱՆՅՈՒԹ
Քաղաքականություն
08.08.2020 | 12:18
Մարշալ Ա.Խանփերյանցի անվան ռազմական ավիացիոն համալսարանում զինվորական երդման արարողություն է տեղի ունեցել։ ՊՆ Վազգեն Սարգսյանի անվան ռազմական համալսարանի մարշալ Բաղրամյանի անվան հրամանատարաշտաբային ֆակուլտետի (ՀՇՖ) պետ Արծրուն Հովհաննիսյանը ֆեյսբուքում տեսանյութ է հրապարակել։
Հիշեցնենք, որ ՀՀ Պաշտպանության նախարարությունն ավելի վաղ հայտարարություն էր տարածել՝ տեղեկացնելով կորոնավիրուսի համաճարակի պայմաններում նորակոչիկների զինվորական երդման արարողությունների ժամանակ հրավերների սահմանափակումների մասին։
«Նոր կորոնավիրուսային վարակով պայմանավորված՝ ՀՀ զինված ուժերում, զինծառայողների առողջական վիճակի և հնարավոր բարդություններից խուսափելու համար, շարունակում են իրականացվել կանխարգելիչ և հակահամաճարակային միջոցառումներ: Նպատակ ունենալով կանխել վարակի ներթափանցումը ՀՀ զինված ուժեր՝ զինծառայողների ծնողներին տեղեկացնում ենք, որ նորակոչիկների զինվորական երդման արարողություններն իրականացվելու են միայն զորամասերի մշտական տեղակայման վայրերում, բացառվելու են բոլոր տեսակի հրավերները, տեսակցություններն ու ընդունելությունները։ ՀՀ պաշտպանության նախարարությունը խնդրում է ըմբռնումով մոտենալ ժամանակավոր սահմանափակումներին, որոնք կիրառվում են զինծառայողների առողջության պահպանման և զինված ուժերի բնականոն կենսագործունեության պատշաճ իրականացման նպատակով»,- ասված էր հայտարարությունում:
