09.10.2026 | 11:42
Լոռիում քննարկվել է ԱԲ-ի կիրառումը հաշմանդամություն ունեցող անձանց իրավունքների պաշտպանության համար
Ուկրաինայում քրեական վարույթ է հարուցվել՝ Հայոց ցեղասպանությունը չհիշատակելու ուղերձով ԱԳՆ պաշտոնյայի նամակի կապակցությամբ
Քաղաքականություն
06.08.2020 | 18:39
Ուկրաինայի Հետաքննությունների պետական բյուրոն Քրեական օրենսգրքի 367-րդ հոդվածով քրեական վարույթ է սկսել նյութերի հիման վրա, որոնք վերաբերում են հիշատակի օրվա նախօրեին նույնիսկ «հայոց ցեղասպանություն» բառակապակցության հիշատակումն արգելելու մասին քաղծառայողներին ուղղված զարմանալի ուղերձին։ Այս մասին հաղորդում է AnalitikaUa.net-ը՝ վկայակոչելով Ոըկրաինայի Գերագույն ռադայի «Ժողովրդի ծառա» խմբակցության պատգամավոր Դարիա Վոլոդինայի գրառումը։
«Այս փաստաթուղթը ստորագրող ընկեր Բոդնարին հերթական ողջույնը, բայց այս անգամ արդեն՝ իրավապահ մարմիններից: Ոչ ոք իրավունք չունի, նախ՝ իր սուբյեկտիվ կարծիքը պարտադրել ամբողջ երկրին, երկրորդ՝ նույն այդ նպատակով օգտագործել պաշտոնական դիրքը, և երրորդ՝ պաշտոն զբաղեցնել՝ միջազգային ասպարեզում մի ամբողջ պետության հեղինակության համար բացարձակապես վնասակար տարր լինելով»,- գրել է պատգամավորը։
Հիշեցնենք, որ Հայոց ցեղասպանության հիշատակի օրվա նախաշեմին Ուկրաինայի ԱԳՆ-ն պետական պաշտոնյաներին նամակ էր ուղարկել՝ պահանջով, որպեսզի ապրիլի 24-ին չօգտագործվի Հայոց ցեղասպանություն եզրույթը: Այն ֆեյսբուքում դարձյալ հրապարակել էր Գերագույն ռադայի պատգամավոր Դարիա Վոլոդինան։
Նամակում այդ երկրի ԱԳ փոխնախարար Վասիլի Բոդնարը նշել էր, որ Ուկրաինան չի ճանաչում «Հայ ժողովրդի ցեղասպանությունը» և օգտագործում է «2015 թվականի ապրիլի 24-ի ողբերգական իրադարձություններ» արտահայտությունը:
