16.12.2025 | 21:58
Ադրբեջանն ու Թուրքիան միմյանց ռազմական օգնություն կցուցաբերեն ագրեսիայի դեպքում
«Հիշել, որպեսզի այլևս երբեք չկրկնվի». հակառակ Ուկրաինայի ԱԳՆ արգելքին՝ Արսեն Ավակովը գրառում է արել Հայոց ցեղասպանության մասին
Քաղաքականություն
24.04.2020 | 20:11
Ուկրաինայի ՆԳ նախարար Արսեն Ավակովը, չնայած «ցեղասպանություն» եզրույթի կիրառման վերաբերյալ երկրի ԱԳՆ-ի արգելքին, Twitter-ում գրառում է կատարել Հայոց ցեղասպանության 105-րդ տարելիցի կապակցությամբ:
«Ապրիլի 24-ը Հայոց ցեղասպանության զոհերի հիշատակի օրն է, 1915-1924 թվականներին զոհված միլիոնավոր մարդկանց հիշատակի ու ցավի օրը: 105 տարեկան է ողբերգությունը, որն աշխարհը որոշել է չնկատել: Սակայն անպատժելիությունը նոր հանցագործություններ է ծնում: Հիշել, որպեսզի այլևս երբեք չկրկնվի»,- գրել է Ավակովը:
Նշենք, որ օրերս Ուկրաինայի ԱԳՆ-ն պետական պաշտոնյաներին նամակ էր ուղարկել՝ պահանջով, որպեսզի ապրիլի 24-ին չօգտագործվի Հայոց ցեղասպանություն եզրույթը: Նամակը ֆեյսբուքում հրապարակել է Ուկրաինայի Գերագույն ռադայի պատգամավոր Դարյա Վոլոդինան, գրում է Rusarminfo-ն:
Նամակում Ուկրաինայի ԱԳ փոխնախարար Վասիլի Բոդնարը նշել է, որ Ուկրաինան չի ճանաչում «Հայ ժողովրդի ցեղասպանությունը» և օգտագործում է «2015 թվականի ապրիլի 24-ի ողբերգական իրադարձություններ» արտահայտությունը:
Որպես նման դիրքորոշման հիմնավորում ԱԳ փոխնախարարը ներկայացրել է նաև այն, որ Հայաստանը մշտապես պաշտպանում է ՌԴ-ի արտաքին քաղաքականությունն ու միջազգային կազմակերպություններում դեմ է քվեարկում Ուկրաինայի համար կենսական նշանակություն ունեցող բանաձևերին: Բացի այդ, ըստ ուկրաինական կողմի, Հայոց ցեղասպանության հարցը չափազանց զգայուն խնդիր է Ուկրաինայի ռազմավարական գործընկեր Թուրքիայի համար, և որ այդ հարցը պետք է պարզաբանեն պատմաբանները:
