19.09.2026 | 09:41
Արսեն Հարությունյանը նվաճել է RAF-ի չեմպիոնական գոտին. ՏԵՍԱՆՅՈՒԹ
Պայքարելու ենք, որ հանքը չշահագործվի, պետությունից հույս չունենք. ջերմուկցիները վճռական են, երեկոյան ակցիա է լինելու․ ՏԵՍԱՆՅՈՒԹ
Քաղաքականություն
05.08.2020 | 14:25
Ամուլսարի հանքի շահագործման հարցը, կարճատև դադարից հետո, կրկին օրակարգում է։ Երեկ հանքի տարածքում բավականին լարված է եղել, հանքը շահագործող Լիդիան Արմենիա ընկերության վարձակալած անվտանգության աշխատակիցները հեռացրել են Ամուլսարի պահապանների ժամանակավոր տնակ-կացարանները և տեղադրել իրենցը։ Սա հարուցել է բնապահպանների, տեղի բնակիչների և խնդրով մտահոգված այլ քաղաքացիների զայրույթը։
Նրանք երեկ մինչ ուշ գիշեր հավաքվել էին հանքի հարակից տարածքում, պահանջում էին իրենց կացարանները հետ վերադարձնել։ Միաժամանակ, Կառավարությունից պահանջում են հստակ ասել, թե ինչ դիրքորոշում ունի հանքի շահագործման վերաբերյալ։
Երեկ ակտիվիստների կողմից հնչեցված ոչ մի պահանջ չի բավարարվել, նրանք այսօր ևս պատրաստվում են բողոքի ակցիա իրականացնել հանքի հարակից տարածքում։
Մինչ այդ, Factor TV-ին զրուցել է Ջերմուկի բնակիչների հետ՝ պարզելու համար, թե ի՞նչ կարծիք ունեն այս հարցի առնչությամբ։ Բնակիչները հիմնականում դեմ են՝ հիմնավորելով, որ հանքի շահագործումն էապես կվնասի առողջարանային քաղաքի բնությանը։
Մանրամասները՝ տեսանյութում։
Նարեկ Կիրակոսյան
