29.04.2026 | 15:35
Բեռնատարների հայ վարորդների՝ ՌԴ-ում գտնվելու ժամկետները երկարաձգվել են
Հայաստանը պատրաստ է անհապաղ օգնություն ցուցաբերել Լիբանանին. Զոհրաբ Մնացականյան
Քաղաքականություն
05.08.2020 | 12:12
Հայաստանի ԱԳ նախարար Զոհրաբ Մնացականյանը Թվիթերի իր միկրոբլոգում Բեյրութում երեկ տեղի ունեցած պայթյունի վերաբերյալ գրառում է կատարել։
«Ցնցված եմ Բեյրութում տեղի ունեցած պայթյունի և դրա ավերիչ հետևաքների մասին սարսափելի նորություններից։ Մեր մտքերն ու աղոթքները Լիբանանի եղբայրական ժողովրդի հետ են: Հայաստանը պատրաստ է անհապաղ օգնություն ցուցաբերել Լիբանանին և նրա ժողովրդին: Բեյրութի փառքն անպայման վերականգնվելու է»,- գրել է ՀՀ արտգործնախարարը։
Հիշեցնենք, որ երեկ՝ օգոստոսի 4-ին, հզոր պայթյունը ցնցել է Լիբանանի մայրաքաղաք Բեյրութը։ Պայթյունի հետևանքով ամբողջ Բեյրութում լայնածավալ ավերածություններ են։ Վերջին տվյալներով՝ պայթյունի հետևանքով զոհերի թիվը գերազանցել է 100-ը, ավելի քան 4 հազար վիրավոր կա։ Փրկարարները փլատակների տակ որոնողական աշխատանքներ են իրականացնում։
