08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Բեյրութում պայթյունի հետևանքով զոհերի թիվը գերազանցել է 100-ը․ երկրում համազգային սուգ է
Քաղաքականություն
05.08.2020 | 10:19
Լիբանանի մայրաքաղաք Բեյրութում պայթյունի հետևանքով ավելի քան 100 զոհ կա։ Sky News Arabia-ին նման տվյալներ է փոխանցել Կարմիր Խաչի Լիբանանյան ընկերակցությունը, գրում է ՏԱՍՍ-ը։
Ավելի վաղ հաղորդվում էր 78 զոհի մասին։
Վիրավորների թիվը գերազանցել է 4 հազար։ Քաղաքի հիվանդանոցներն արդեն չեն կարողանում ընդունել տուժածների, նրանց փոխադրում են Բեյրութի արվարձաններ։
Բեյրութի նավահանգստի շրջանում՝ Լիբանանի ՌԾՈՒ-ի բազայի մերձակայքում, հզոր պայթյունը որոտացել էր երեկ։ Տասնյակ տներ, ավտոմեքենաներ են ոչնչացվել և վնսավել, մայրաքաղաքի մի շարք շրջաններում պայթյունի ալիքը պատուհանների ապակիներ է կոտրել։
Հորդանանյան սեյսմոլոգները նշել են, որ պայթյունի հզորությունը համարժեք է եղել 4.5 մագնիտուդով երկրաշարժի, որը զբաղվել է նաև Բեյրութից 250 կմ հեռու՝ Կիպրոսի մայրաքաղաք Նիկոսիայում։
Տեղական իշխանությունների տվյալներով՝ պայթյունի պատճառ է դարձել պահեստում պահվող 2.7 տոննա ամոնիումի նիտրատը, որը մաքսային ծառայությունների կողմից առգրավվել է դեռևս 2015 թվականին։
Լիբանանում համազգային սուգ է հայտարարվել։ Միաժամանակ, աղետի գոտի ճանաչված Բեյրութում երկու շաբաթ ժամկետով արտակարգ դրության ռեժիմ է սահմանվել։
