29.09.2026 | 23:23
«Դեֆանս Հաուզինգ»-ը պարզաբանել է թաղամասում երեք մարդու մահվան դեպքի հանգամանքները
Մեր վիճակն ավելի ծանր է եղել, մենք էլ ենք անհանգստացել, ինչպես այս ծնողները․ Խաչատուրովը՝ Մարտի 1-ի զոհերի մասին. ՏԵՍԱՆՅՈՒԹ
Հասարակություն
04.08.2020 | 16:53
ՀԱՊԿ նախկին գլխավոր քարտուղար, Մարտի 1-ի գործով ամբաստանյալի կարգավիճակում գտնվող Յուրի Խաչատուրովը դատարանում ասաց՝ իր մոտ տպավարություն է, թե դատարանն իր նկատմամբ կանխակալ մոտեցում ունի։
Խաչատուրովի խոսքով՝ դատարանը պետք է իրեն տրամադրի գործում առկա նյութերն իրեն հասանելի լեզվով։ Նա նշեց, որ փաստաբանը չի կարող իմանալ ամբողջությամբ, թե ինչ է տեղի ունեցել 2008թ.-ին։
«Պատկերացրեք, որ գալիս է վկան, ով ցուցմունք է տվել իմ դեմ, և ես չունեմ փաստաթղթեր և չեմ կարող պատասխանել։ Եթե ես գիտեմ, որ գալիս է վկա, ով պետք է իմ դեմ ցուցմունք տա, ես պետք է պատրաստվեմ։ Երիտասարդ չեմ, պետք է զանգեմ իմ համածառայակիցներին և ճշտեմ, թե ինչ է եղել այդ ժամանակ, հիմա ես չունեմ այդ հնարավորությունը»,- ասաց Խաչատուրովը։
Նա նաև անդրադարձավ Մարտի 1-ի տասը զոհերին՝ ասելով, որ իրենք էլ են ծնողների պես անհանգստացել կատարվածի համար։ «Մտածում եք՝ այդ օրը հանգիստ քնած ենք եղե՞լ, մենք շատ էինք անհանգստանում»,- վստահեցրեց Յուրի Խաչատուրովը։
Մանրամասները՝ տեսանյութում։
Լիլիթ Շաբոյան
