Հասարակություն
04.08.2020 | 16:43«Մատների վրա կարելի է հաշվել, թե ՀՀ-ն քանի գերենալ-գնդապետ ունի մարտական դիրքերում և որոնցով կարելի է հպարտանալ։ Նրանցից մեկն էլ, որով վստահ եմ՝ Դուք էլ եք հպարտանում, Յուրի Խաչատուրովն է։ Մարդը գերենալ-գնդապետ է, ամբողջ կյանքը նվիրել է զինվորական ծառայությանը, բանակաշինությանը, պահանջը մեկն էր՝ գործի նյութերը տրամարդել, Դուք դրանով նախադեպ չէիք ստեղծելու։ Ինչն էր այստեղ խնդիրը, որ պետությունը չէ՞ր կարողանալու այդ բեռը վերցնել, ի՞նչն էր պատճառը, որ դա չէր կարող լինել»,- այս մասին այսօր դատարանում հայտարարեց Ռոբերտ Քոչարյանի պաշտպաններից Արամ Վարդևանյանը։
Փաստաբան Սեդա Սաֆարյանն ասաց՝ առարկություն ունի, ինչին Արամ Վարդևանյանը պատասխանեց․ «Կավարտեմ, կառարկեք»։
Սեդա Սաֆարյանը, սակայն, պնդեց իր առարկությունը, ինչից Վարդևանյանը բարկացավ․ «Բա ես ինձ նման բան թույլ տալի՞ս եմ, հարգելի՛ դատարան, կավարտեմ, նոր կներկայացնեք»։
Դատարանը Վարդևանյանին ընդհատեց՝ ասելով՝ «Մի՛ գոռացեք», և խոսքը փոխանցեց Սեդա Սաֆարյանին։
«Ամեն անգամ Ձեր որոշում կայացնելուց հետո սկսում են Ձեր որոշումը քննարկման առարկա դարձնել, կարգի հրավիրեք դատավարական կողմերին, հիմա էլ սկսել են Յուրի Խաչատուրովի գովքը անել, ով գիտի նրան, գիտի, ով էլ չգիտի՝ չգիտի»,- ասաց Սեդա Սաֆարյանը։
Լիլիթ Շաբոյան
