20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Արցախում մեկնարկել է տնտեսական ամենախոշոր ծրագիրը. Արայիկ Հարությունյանը մանրամասներ է ներկայացրել
Տնտեսություն
03.08.2020 | 19:39
Արցախում իրականացվող տնտեսական ամենախոշոր ծրագիրը լինելու է Սարսանգի ջրերի տեղափոխումը նոր խողովակաշար: ԱՀ կառավարության անդրանիկ նիստի ժամանակ այս մասին ասել է նախագահ Արայիկ Հարությունյանը, հաղորդում է «Արցախպրես»-ը։
Նախագահի խոսքով՝ նախկինում ծրագրով նախատեսվում էր Սարսանգի ջրերի տեղափոխումը աջափնյա ջրանցք: Ծրագրի մեկնարկը արդեն իսկ տրվել է: Նա նշել է, որ ջրային ռեսուրսները հասանելի են դառնալու Բերդաշենի ենթաշրջանի հողօգտագործողների համար:
Ընդհանուր առմամբ, ծրագրով նախատեսվում է Մարտակերտի, Ասկերանի և Մարտունու շրջաններում ունենալ առնվազն 30 հազար հեկտար ինքնահոս տարբերակով կանոնավոր ոռոգվող տարածք ոչ միայն ներքևում, այլև ջրանցքից վերև գտնվող հատվածում:
«Սարսանգի ջրերի տեղափոխումը հնարավորություն է տալու, որպեսզի Խաչենի ջրամբարը միշտ լինի ամբողջությամբ լցված: Ծրագիրը կիրականացվի ռեկորդային ժամկետում՝ 1 տարի 6 ամսում: Ներկայումս բանակցություններ են ընթանում ՀՀ-ում խողովակ արտադրող ընկերությունների հետ»,- հավելել է Արայիկ Հարությունյանը:
