10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Թուրքիայում կորոնավիրուսի 987 նոր դեպք և 15 մահ է արձանագրվել
Քաղաքականություն
03.08.2020 | 15:50
Թուրքիայում օգոստոսի 2-ին կորոնավիրուսից (Covid-19) մահացել է 15 մարդ։ Այդ մասին «Twitter» միկրոբլոգի իր պաշտոնական էջում հայտնել է Թուրքիայի առողջապահության նախարար Ֆահրեթթին Քոջան, փոխանցում է ermenihaber-ը։
Նախարարը նշել է, որ 1 օրում կատարված 40․247 թեստի արդյունքում հաստատվել է կորոնավարակի 987 նոր դեպք։ Նույն ժամանակահատվածում գրանցվել է ապաքինման 978 դեպք:
Ըստ պաշտոնական տվյալների` մինչև օրս համավարակից ապաքինվել է 216.494 մարդ, իսկ 582 հիվանդ էլ գտնվում է վերակենդանացման բաժանմունքում։
Թուրքիայում մինչև այժմ ընդհանուր առմամբ արձանագրվել է վարակման 232․856 և մահվան 5․728 դեպք։ Թեստավորումների թիվը հասել է 4 մլն 885.916-ի։
