12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Համաճարակից մեծապես տուժած Ֆլորիդա նահանգը փորձում է դիմակայել փոթորկին
Քաղաքականություն
03.08.2020 | 13:17
«Իսայաս» արևադարձային փոթորիկը շարժվում է ամերիկյան Ֆլորիդայի ուղղությամբ՝ 100 կմ ժամ քամու առավելագույն արագությամբ: Այն փոքր-ինչ մեղմացել է Բահամյան կզղիներում սկիզբ առնելուց ի վեր։ Ֆլորիդայի նահանգապետ Ռոն Դե Սանտիսը հորդորել է «չշփոթվել այդ հանգամանքից»: Նա արտակարգ դրություն է հայտարարել մի շարք համայնքներում, հաղորդում է «Ամերիկայի ձայնը»։
«Այս պահին կարևոր է, որ մարդիկ զգոն լինեն», – ասել է նահանգապետը:
Մայամիի պետական մարմինների կարծիքով տարհանման կենտրոնների կարիք չի լինի, թեև նրանց հաղորդմամբ 20 կենտրոններ պատրաստ են մարդկանց ընդունել հարկ եղած դեպքում:
Ֆլորիդան կորոնավիրուսից ամենից շատ տուժած նահանգներից է ԱՄՆ-ում, որը գրանցել է COVID-19-ի վարակման ավելի քան 480․000 դեպք և 7․000 մահ: Սակայն փոթորկի վտանգը նահանգային իշխանություններին ստիպել է փակել թեստավորման կենտրոնները:
ԱՄՆ-ի Փոթորիկների ազգային կենտրոնի հաղորդմամբ՝ արևադարձային փոթորիկը կշարժվի դեպի Հարավային Կարոլինա:
