29.08.2026 | 17:37
Պաշտոնանկություններ 3 նախարարություններում․ Նիկոլ Փաշինյանը որոշումներ է ստորագրել
Չեմ հիշում մի դեպք, երբ Բագրատյան Սերգեյը համաձայն չէր ԲՀԿ-ի վարած քաղաքականության հետ․ Արման Աբովյան
Քաղաքականություն
31.07.2020 | 13:29
ԱԺ «Բարգավաճ Հայաստան» խմբակցության պատգամավոր Արման Աբովյանը, անդրադառնալով նույն խմբակցությունը լքելու պատճառների մասին Սերգեյ Բագրատյանի պարզաբանող գրառմանը, նշել է, որ չի հիշում մի դեպք, երբ Բագրատյանը համաձայն չլիներ ԲՀԿ-ի վարած քաղաքականության հետ։
«Կարդացի Բագրատյան Սերգեյի «բացատրական» նամակը և ուղղակի ապշեցի։ Էս ի՜նչ մի ամպոգոռգոռ բառեր, էս ի՜նչ մի անհամաձայնություններ ԲՀԿ-ի վարած քաղաքականության հետ”, ձեզ հետ ի՞նչ է կատարվում…
Մենք միասին ներկա ենք եղել բոլոր քննարկումներին և ես գեթ մեկ անգամ չեմ հիշում ոչ մի դեպք, երբ Բագրատյան Սերգեյը իբր թե համաձայն չէր ԲՀԿ֊ի վարած քաղաքականության հետ։
Այո՛ ես համարում եմ,որ Բագրատյան Սերգեյը նվազագույնը այսքանից հետո ուղղակի պարտավոր էր վայր դնել իր մանդատը, որը ստացել էր ոչ թե իր շնորհիվ, այլ միայն և միայն Գագիկ Ծառուկյանի ժողովրդի կողմից ստացած հարգանքի և վստահության շնորհիվ։
Եվ վերջում եթե խոսում ենք բարոյականությունից, ապա Բագրատյանի փոխարեն ես եմ ամաչում, իրականում նորմալ մարդն այսքանից հետո ամոթից «գետինը պետք է մտներ», այլ ոչ թե ամոթալի ինքնաարդարանալու փորձեր աներ»,- Ֆեյսբուքում գրել է Աբովյանը։
