13.10.2026 | 14:10
Հայաստանն ու Լեհաստանը քննարկել են տնտեսական դիվանագիտության ոլորտում համագործակցության ընդլայնումը
Դեմ եմ այն մոտեցմանը, թե մասնավոր հատվածն ավելի լավ է կառավարում, քան պետականը․ՊՎԾ պետի պաշտոնակատար. ՏԵՍԱՆՅՈՒԹ
Քաղաքականություն
31.07.2020 | 12:23
Պետական և ռազմավարական նշանակություն ունեցող օբյեկտների մասնավորեցումը կարելի է դիտել որպես իշխանության պետական քաղաքականության մոտեցում։ Մեր ուսումնասիրությունները ցույց են տալիս, որ իշխանությունները որևէ ռազմավարական նշանակության օբյեկտի մասնավորեցման են գնում, որովհետև ասում են, թե պետությունը վատ է կառավարում, մասնավոր հատվածը՝ ավելի լավ։ Ես այդ մոտեցմանը դեմ եմ։ Այս մասին այսօր «Թրանսփարենսի Ինթերնեշնլ հակակոռուպցիոն կենտրոն» ՀԿ-ի կողմից իրականացված՝ՀՀ-ում ռազմավարական նշանակության գույքի մասնավորեցման, խնդրահարույց ներդրումների և գործարքների վերաբերյալ ուսումնասիրության առցանց ներկայացմանը նշեց Պետական վերահսկողական ծառայության պետի պարտականությունները կատարող Ռաֆայել Զաքարյանը։
«Միշտ մոտեցում է եղել, որ եթե հիմնարկը վատ է, եկեք հիմնարկը փակենք, ոչ թե տնօրենին փոխենք կամ կառավարման նոր մեթոդներ ներդնենք։ Նախկին 30 տարիների փորձը ցույց է տալիս, որ մասնավոր հատվածն ավելի սրտացավ է կառավարում, քան պետականը։ Գալիս է մի պահ, որ հիմնարկներն ունենում են մեծ թվով կուտակած պարտքեր, սակայն երբ ուսումնասիրում ենք սկզբնական հաշվառման փաստաթղթերը, տեսնում ենք, որ այդ հիմնարկները բավականին արդյունավետ աշխատող ընկերություններ են, և կուտակված պարտքերն արհեստական բնույթ են կրում։ Նման հանգամանքներն են բերում մասնավորեցման որոշումների»,- նշեց Զաքարյանը։
Մանրամասները՝ տեսանյութում։
Նելլի Մելքոնյան
