Գյումրիի նոր «բնակիչները»․ քաղաքի փողոցներում փայտե մարդուկներ են հայտնվել. ԼՈՒՍԱՆԿԱՐՆԵՐ

Լուրեր

17.11.2026 | 19:52
Ազգային հերոսը՝ կոռուպցիայի համար դատապարտված․ ինչու Փիլոյանը չի զրկվել կոչումից. ՏԵՍԱՆՅՈՒԹ
17.11.2026 | 19:40
Կրպակները քանդեցին, բարեկարգումը հետաձգվեց․ Շինարարների փողոցի պատկերը՝ 1 ամիս անց. ՏԵՍԱՆՅՈՒԹ
17.11.2026 | 19:30
Հայաստանի բնակչությունը գերազանցել է 3,1 միլիոնը․ հիմնական աճը՝ Երևանում և հարակից մարզերում
17.11.2026 | 19:16
Փրկարարները մարել են հանդիսությունների սրահում բռնկված հրդեհը
17.11.2026 | 19:01
Որտեղի՞ց էր այն փողը, որը տալիս էր․ Վահագն Ալեքսանյանը՝ Արսեն Գևորգյանի մասին. ՏԵՍԱՆՅՈՒԹ
17.11.2026 | 18:49
Թուրքիայի դատարանն ընդդիմադիր Sözcü TV-ն պետական ​​վերահսկողությանն է փոխանցել․ ոստիկանությունը ձերբակալել է ղեկավարներին
17.11.2026 | 18:28
Թրամփը հայտարարել է, որ Վաշինգտոնի վրա հարձակման դեպքում Իրանը շատ մեծ գին կվճարի
17.11.2026 | 18:22
Եթե ես վաղը բանտում մահանամ, ինձ հետ սենց չվարվեք հանկարծ․ Եղոյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 18:15
Խցանումներից խուսափելու համար քննարկվում են կենտ ու զույգ համարներով երթևեկության սահմանափակումներ և տուգանքների խստացում․ Ավինյան
17.11.2026 | 18:10
Շաքի մտած ադրբեջանցու գործողությունները՝ ըստ մեղադրանքի // Պապիկյանը Բրյուսել է մեկնել․ ԼՈՒՐԵՐ
17.11.2026 | 18:02
Բրազիլիայի հավաքականը խփեց 7 գոլ, Վինիսիուսի հեթ-տրիկը. ՏԵՍԱՆՅՈՒԹ
17.11.2026 | 17:54
Կատարը նախազգուշացրել է՝ Իրանի հարձակումը Բահրեյնում ԱՄՆ ռազմաբազայի վրա սպառնում է խաղաղ բանակցություններին
17.11.2026 | 17:45
Ընկերությունները կարող են քրեական պատասխանատվության ենթարկվել, նույնիսկ եթե հանցանք կատարած անձը հայտնի չէ․ ԱՆ-ի նոր առաջարկը
17.11.2026 | 17:37
ՔՊ-ից մի հոգի է ցավակցություն հայտնել․ Նարեկ Կարապետյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 17:28
Հայաստանում կարող են վերանայվել բենզալցակայանների՝ բնակելի շենքերից հեռավորության և հողատարածքի նվազագույն մակերեսի պահանջները
Բոլորը

Գյումրիի փողոցներում նոր «բնակիչներ» են հայտնվել․ մի քանի օր է՝ քաղաքի տարբեր փողոցները զարդարում են փայտե մարդուկ-տիկնիկները։

Հեղինակը գյումրեցի Աննա Աթոյանն է։ Նախաձեռնությունն ի սկզբանե սեփական փողոցն ու բակը գեղեցկացնելն է եղել, հետո այն ստացել է համաքաղաքային բնույթ։ Տիգրան Մեծ փողոցի հիմնանորոգումից հետո Աննան որոշել է նոր շունչ հաղորդել  իր թաղամասին։

«Առաջինը եղել է հաստաբուն ծառերի կողքերը շրջանաձև գունավոր քարերով գունազարդելը։ Նիկոլ Փաշինյանը Գյումրի այցից հետո դա նկատեց, ասաց՝ փոքր բան է, բայց տրամադրություն է փոխում։ Դրանից հետո որոշել էի փայտի հետ կապված հետաքրքրիր բաներ անել։ Այդպես տիկնիկների գաղափարը ծնվեց»,- Factor.am-ի հետ զրույցում պատմեց Աննա Աթոյանը։

Նա նշեց, որ առաջին տիկնիկը տեղադրել է մարտի 1-ին, որից հետո սկսվել է կարանտինն ու նոր տիկնիկների պատրաստումը։

«Հետո, երբ կարանտինը պաշտոնապես հայտարարվեց, մի հատ մարդուկ տեղադրեցի «Մնա տանը» տարբերակով, այդպես էլ սկսվեց տիկնիկների  տարածումը»,- ասաց Աննան։

Փայտե մարդուկներն անտարբեր չեն թողել նաև Գյումրու քաղաքապետարանին։ Կոմունալ բաժնից Աննային հրավիրել ու համագործակցության առաջարկ են արել, և տիկնիկները սկսել են հայտնվել քաղաքի տարբեր փողոցներում։

«Առաջարկեցին ամբողջ քաղաքում տեղադրել, գեղեցկացնել տիկնիկներով, ես էլ ասացի՝ խնդիր չկա։ Առաջարկն ընդունեցի, հիմա իրենց մոտ եմ աշխատում, իրենք են ֆինանսավորում»,- ասաց մեր զրուցակիցը։

Տիկնիկներն առայժմ տեղադրված են քաղաքի պատմական հատվածում՝ Ռուսթավելի, Ջիվանի, Աբովյան և Տիգրան Մեծ փողոցներում։

«Ընդլայնվելու է փողոցների շարքը։ Նստարաններ ենք նաև պատրաստելու, ամեն մեկը կունենա իր բացատրությունը՝ համերաշխության նստարան, զրուցելու նստարան։ Տիկնիկներն էլ կոլորիտային են՝ մեկը մուշուրբայի մոտ ջուր է վերցնում, մեկը ֆռռիկ է խաղում, երկուսը՝ նարդի, նաև դհոլ ու դուդուկ նվագողներ կան։ Տիկնիկները տարաբնույթ են, շատ մտքեր իրականացրել ենք և դեռ անելու ենք»,- մեզ հետ զրույցում ասաց Գյումրու քաղաքապետարանի ենթակայության «Գյումրու կոմունալ ծառայություն» հիմնարկի տնօրեն Վարդգես Սամսոնյանը։

Մարդուկներն էլ արդեն հասցրել են սիրվել գյումրեցիների ու քաղաքի հյուրերի կողմից։

«Ուզում ենք և՛ զբոսաշրջիկների ուշադրությունը գրավել, և՛ մեր քաղաքի բնակչությանը փոխանցել ուրախացնող, դրական տրամադրություն։ Բնակչության շրջանում մեծ արձագանք կա, մարդիկ տեսնելով՝ միանգամից փոխում են դեմքի արտահայտությունը, տիկնիկների հետ շատ են նկարվում»,- ասաց Վարդգես Սամսոնյանը։

Նա նաև հավելեց, որ քաղաքը գեղեցկացնելու և բնակիչներին ուրախացնելու տարբեր նոր գաղափարներ կան, որոնք առաջիկայում կյանքի կկոչվեն։

Էմմա Չոբանյան