19.09.2026 | 15:06
Ջերմուկում հայտնաբերվել է կեղծ օղու 24 շիշ և 1738 տուփ ծխախոտ․ 31-ամյա տղամարդը ձերբակալվել է
Կիևն «անսպասելի վարերում պատասխան» է խոստացել «Կովկաս 2020» ռուսական զորավարժություններին
Քաղաքականություն
30.07.2020 | 15:46
Ուկրաինան կարող է ռուսական «Կովկաս 2020» զորավարժություններին զուգահեռ սեփական մանևրումներն անցկացնել՝ «բավական անսպասելի վայրերում»։ «Ուկրաինա 24» հեռուստաալիքի եթերում այս մասին հայտարարել է Ուկրաինայի Ազգային անվտանգության և պաշտպանության խորհրդի քարտուղար Ալեքսեյ Դանիլովը, հաղորդում է ՌԻԱ Նովոստին։
««Կովկաս 2020» զորավարժություններին զուգահեռ վարժանքներ կլինեն, ընդ որում՝ դրանք կարող են լինել անսպասելի վայրերում։ Որտեղ կանցկացվեն զորավարժությունները․․․ եկեք սպասենք մինչև սեպտեմբեր, կտեսնենք»,- ասել է նա։
Ավելի վաղ Ուկրաինայի պաշտպանության նախարար Անդրեյ Տարանը հայտարարել էր, որ Կիևը մտադիր է սեպտեմբերին «Միացյալ ջանքեր 2020» ռազմավարական հրամանատարական վարժանքներ անցկացնել։ Նրա խոսքով՝ զորավարժությունների շրջանակում նախատեսվում է ստուգել երկրի Գլխավոր շտաբի՝ ՆԱՏՕ-ի ստանդարտներին համապատասխան գործելու ունակությունը։
«Կովկաս 2020» ռուսական հրամանատարաշտաբային զորավարժությունները նախատեսվում է անցկացնել սեպտեմբերին։ ՌԴ պաշտպանության նախարար Սերգեյ Շոյգոյի խոսքով՝ դրանց կմասնակցեն վեց երկրի ստորաբաժանումներ, այդ թվում՝ ՀԱՊԿ անդամ պետություններից։
