04.03.2026 | 22:14
Ալիևն այցելել է Բաքվում Իրանի դեսպանատուն և ցավակցություն հայտնել Խամենեիի մահվան կապակցությամբ
Աշխարհահռչակ տենոր Անդրեա Բոչելիիի մոտ COVID-19 է հայտնաբերվել
Քաղաքականություն
29.07.2020 | 18:51
Իտալացի օպերային երգիչ, աշխարհահռչակ տենոր Անդրեա Բոչելին COVID-19-ով է վարակվել։ Այս մասին նա քիչ առաջ տեղեկացրել է ֆեյսբուքյան ուղիղ եթերում։
«Ընտանիքս վիրուսից զերծ չմնաց։ Բոլորս վարակվել ենք և բոլորս ամենավատին էինք սպասում, քանի որ ոչ ոքի հայտնի չէ՝ նման հիվանդությունը, որը մեզ դեռ ոչ ամբողջությամբ է ծանոթ, ինչ ընթացք կարող է ունենալ»,- ասել է Բոչելին։
Հիշեցնենք՝ ամիսներ առաջ՝ Սուրբ Զատիկի օրը, 61-ամյա Բոչելին առցանց համերգ էր ունեցել Միլանի դատարկ տաճարում։ Նրա խոսքով՝ կորոնավիրուսային համաճարակի օրերին ցանկացել էր իր ելույթներով մարմնավորել սերը, հույսն ու ապաքինումը։
Անդրեա Բոչելիի ծննդավայր Իտալիան COVID-19-ից ամենաշատ տուժած եվրոպական երկրներից է։ Այնտեղ, վերջին տվյալներով, մինչ օրս 246 հազարից ավելի մարդ է COVID-ով վարակվել, 35 հազարից ավելին՝ մահացել։
Նելլի Մելքոնյան
