08.08.2026 | 11:24
Արթիկի դպրոցի հաշվապահը կատարել է առանձնապես խոշոր չափերի հափշտակություն. Հակակոռուպցիոն կոմիտե
Չավուշօղլուն հուլիսյան դեպքերի պատասխանատվության սլաքները կրկին Հայաստանի կողմն է ուղղել
Քաղաքականություն
29.07.2020 | 16:00
Թուրքիայի ԱԳ նախարար Մևլութ Չավուշօղլուն տեսակապի միջոցով մասնակցել է Անթալիայում անցկացված դիվանագիտական ֆորումին՝ կրկին անդրադառնալով Հայաստան-Ադրբեջան սահմանային լարվածության խնդրին, փոխանցում է ermenihaber-ը։
Չավուշօղլուն, խեղաթյուրելով իրականությունը, Հայաստանին մեղադրել է համաճարակային իրավիճակն օգտագործելու և Ադրբեջանի վրա հարձակվելու մեջ։
«Համավարակի շրջանում, երբ սպասում ենք, որ բախումները պետք է ավարտվեն, երբ ջանում ենք այս իրավիճակը վերափոխել երկխոսության և խաղաղության առիթի, Հայաստանն այս ընկալմանը հակառակ է գործում և օգտագործում է համավարակով պայմանավորված իրավիճակը, ինչպես ականատես եղանք Ադրբեջանի տարածքներին ուղղված հարձակումների պարագայում»,- մասնավորապես ասել է նա։
Ֆորումին տեսակապով մասնակցել են նաև Ադրբեջանի նորանշանակ արտգործնախարար Ջեյհուն Բայրամովը, Ճապոնիայի ԱԳ հարցերով պատասխանատու պետնախարար Սուզուկի Կեիսուկեն, ՄԱԿ գլխավոր քարտուղարի տեղակալ և ՄԱԿ-ի Ասիայի և Խաղաղ օվկիանոսի երկրների համար Տնտեսական և սոցիալական հանձնաժողովի գործադիր քարտուղար Արմիդա Սալսիահ Ալիսջահաբանան։
