19.09.2026 | 12:12
ԱՄՆ-ը Դանիայի և Գրենլանդիայի հետ համաձայնագիր է կնքել՝ կղզու անվտանգության նկատմամբ «մշտական վերահսկողության» մասին․ Թրամփ
ՍԱՏՄ-ն 2 շաբաթով կասեցրեց White Shorja-ի խոհանոցի աշխատանքը. ՏԵՍԱՆՅՈՒԹ
Քաղաքականություն
28.07.2020 | 17:13
Սննդի անվտանգության տեսչական մարմինն այսօր այցելել էր Գեղարքունիքի մարզ։ Տեսչական մարմնի աշխատակիցները եղան Սևանա լճի ափամերձ տարածքում գտնվող նորաբաց հանգստի գոտում՝ White Shorja-ում, որի խոհանոցի աշխատանքը երկու շաբաթով կասեցվեց։
Հանգստավայրի տնօրեն Արտյոմ Մելքումյանը Factor.am-ի հետ զրույցում իր դժգոհությունը հայտնեց այս որոշման դեմ՝ շեշտելով, որ բողոքարկելու է։
Մելքումյանի խոսքով՝ այս օրերին, երբ հանգստի շրջան է, իրենց հանգստավայրի խոհանոցի աշխատանքի կասեցումն ընդունելի չէ, մեծ վնասներ են կրելու։
Հիշեցնենք, որ կասեցման պատճառն այն է, որ հուլիսի 26-ին այդ տարածքում կազմակերպված խնջույքի ժամանակ հակահամաճարակային կանոնները չեն պահպանվել։ Այս փաստը համացանցում լայն քննարկումների տեղիք տվեց․ տարածվեցին լուսանկարներ ու տեսանյութեր։
Հավելենք, որ առաջին անգամ է երկու շաբաթով նման օբյեկտի գործունեություն կասեցվում։
Մանրամասները՝ տեսանյութում։
Մերի Մարտիրոսյան
