26.09.2026 | 13:51
NYMEX. Թանկարժեք մետաղների գներն աճել են
ԱՀ ոստիկանները սպառազինության որոշ տեսակների կիրառման հմտություններ են ձեռք բերում․ Արայիկ Հարությունյանը ծանոթացել է պարապմունքներին․ ՏԵՍԱՆՅՈՒԹ
26.07.2020 | 16:38
Արցախի նախագահ Արայիկ Հարությունյանն այսօր պաշտպանության նախարարի և ոստիկանապետի հետ ծանոթացել է ոստիկանության ծառայողների պարապմունքներին։ Այս մասին ԱՀ նախագահը հայտնել է ֆեյսբուքյան գրառմամբ։
«ԱՀ պաշտպանության նախարար Ջալալ Հարությունյանի և ԱՀ ոստիկանության պետ Աշոտ Հակոբջանյանի ուղեկցությամբ այսօր այցելել եմ ՊԲ N զորամաս և ծանոթացել ոստիկանության ծառայողների (ծրագրում ընդգրկված են գրեթե բոլոր ստորաբաժանումները) ուսումնական պարապմունքներին: Ինչպես ԱԱԾ հատուկ վարչության տղաները, այնպես էլ ոստիկանության ծառայողները, հանձնարարականիս համաձայն, ձեռք են բերում սպառազինության որոշ տեսակների կիրառման հմտություններ: Նախնական արդյունքները գոհացուցիչ էին:
Այսօր լավ առիթ էր նաև ծանոթանալու հայկական ռազմարդյունաբերության ոլորտի մասնագետների կողմից կատարելագործված զինատեսակներին, որոնք գործնականում արդեն հաջողությամբ կիրառվում են մեր զինված ուժերում:
«Ուժեղ սահման, ամուր թիկունք, պաշտպանված Հայրենիք» սկզբունքը մշտապես լինելու է մեր ռազմաքաղաքական ջանքերի առանցքում»,- գրել է Արայիկ Հարությունյանը:
Արցախի նախագահը տեղեկացրել է նաև սեպտեմբերի 1-ից համակարգի ծառայողների աշխատավարձերի բարձրացման մասին։
