07.07.2026 | 10:17
«Չայնիի ոլորաններ» կոչվող հատվածում տեղի է ունեցել քարաթափում
Եթե չենք անում, ուրեմն այս պահին հնարավոր կամ խելամիտ չի․ Փաշինյանը՝ սահմանափակումների թուլացման մասին. ՏԵՍԱՆՅՈՒԹ
Քաղաքականություն
24.07.2020 | 12:26
Հիմքեր կան պնդելու, որ մենք ոչ միայն մտել ենք կորոնավիրուսային ճգնաժամը հաղթահարելու փուլ, այլ նաև աշնանը կանխատեսվող երկրորդ ալիքի նկատմամբ կարող ենք ավելի լավ դիմակայունություն ունենալ։ Այս մասին այսօր ֆեյսբուքյան ուղիղ եթերի ընթացքում նշեց ՀՀ վարչապետ Նիկոլ Փաշինյանը։
«Տեմպի որոշակի անկման պատճառը, միանշանակ, հակահամաճարակային կանոնների պահպանումն է, որի գագաթնակետը դիմակների կրումն է։ Սա բոլորիս համար էլ տհաճ է, ինձ համար էլ է տհաճ, որ դիմակ եմ կրում, բայց ակնհայտ է, որ այս դինամիկան հիմնականում դիմակի կրման որոշակի կարգուկանոն ունենալու շնորհիվ է։ Պետք է հակահամաճարակային կանոններն ավելի լավ պահենք, հակառակ դեպքում՝ նորից հետ ենք գլորվելու հունիսյան իրավիճակի մեջ»,- նշեց վարչապետը։
Խոսելով կորոնավիրուսային սահմանափակումների թուլացման մասին՝ Փաշինյանն ասաց․ «Ուզում եմ վստահեցնել, որ այս ընթացքում կանոնների բոլոր թուլացումները, որոնք այդ պահին հնարավոր են եղել, արել ենք։ Եթե չենք անում, ուրեմն այս պահին հնարավոր կամ խելամիտ չի, վստահություն չկա, որ դա ճիշտ քայլ է։ Այս կայունությունը ոչ մի բան չի ասում։ Օրինակ՝ վաղը, մյուսը օրը թվերը կարող են աճել ու մեծանալ»։
Մանրամասները՝ տեսանյութում։
