18.11.2024 | 09:50
Սասուն Խաչատրյանը հրաժարականի դիմում է ներկայացրել. Կոմիտեն պաշտոնապես հաստատեց
Վարակի դեպքերի կտրուկ աճ կա, պետք է զգոնություն ցուցաբերել․ Վրաստանի վարչապետ
Քաղաքականություն
23.07.2020 | 15:29
Վերջին օրերին, ցավոք, երկրում արձանագրվում է վարակման դեպքերի կտրուկ աճ, ինչն ուշագրավ է։ Վրաստանի «Առաջին ալիքի» փոխանցմամբ՝ այս մասին կառավարության այսօրվա նիստում հայտարարել է երկրի վարչապետ Գիորգի Գախարիան։
Նա նշել է, որ Վրաստանի կառավարությունը վերահսկում է իրավիճակը, սակայն անհրաժեշտ է ցուցաբերել ուշադրություն:
«Այսօր մեր զրույցը պետք է սկսենք համաճարակային վիճակի մասին խոսելով: Երեկ ունեցանք 24 դեպք, այսօր՝ 12: Վերջին օրերին, ցավոք, երկրում արձանագրվում է վարակման դեպքերի կտրուկ աճ, ինչն ուշագրավ է: Չնայած նրան, որ վերահսկում ենք վարակի տարածման արագությունը, պետք է լինենք ուշադիր: Առանձնապես ուշագրավ է այն հանգամանքը, որ տարածումը կենտրոնացած է հիմնականում Գարդաբանիի շրջանի մի քանի գյուղերում: Հաշվի առնելով, որ այս գյուղերում սոցիալական կառուցվածքն այնպիսին է, որ բազմաթիվ քաղաքացիներ աշխատում են Թբիլիսիի շուկաներում և տոնավաճառներում, կայացվել է համապատասխան որոշում, որ շուկաներում և տոնավաճառներում խստանա վերահսկողությունը, դա կլինի ջերմաչափում և թեստավորում»,- հայտարարել է Գիորգի Գախարիան:
