11.12.2024 | 16:35
Ասադին տապալած սիրիացի ապաստամբներն Ուկրաինայից օգնություն են ստացել․ Washington Post
Մեզ ամուր թիկունք է պետք, պահպանեք հակահամաճարակային կանոնները. Նիկոլ Փաշինյան. ՏԵՍԱՆՅՈՒԹ
16.07.2020 | 11:23
Վերջին օրերին առողջապահական համակարգի լարվածությունը որոշակիորեն թուլացել է: Այս մասին կառավարության նիստում հայտարարեց ՀՀ վարչապետ Նիկոլ Փաշինյանը:
«Մենք վերլուծում ենք, որ դա կարող է կապված լինել հակամահաճարակային միջոցառումների, մասնավորապես, դիմակների կրման ծավալների ընդլայնման հետ»,- ասաց նա և հորդորեց պահպանել հակահամաճարակային կանոնները, քանի որ սահմանին կանգնած զինվորին ամուր թիկունք է պետք:
Իր հերթին առողջապահության նախարար Արսեն Թորոսյանն ասաց. «Համեմատություն անցկացնելով 2 շաբաթ առաջվա թվերի հետ պետք է արձանագրենք, որ առողջապահական համակարգի լարվածության, մահճկալների ազատ լինելու և մեր քաղաքացիներին արագ ու պատշաճ բուժօգնություն տրամադրելու մասով ունենք էական առաջընթաց: Նաև թվերի բացարձակ մեծ, բայց կայուն լինելը արդյունք է հակահամաճարակային գործողությունների, որ բնակչությունն ու կառավարությունն իրականացնում են: Արդեն 4 օր է, որ տանը սպասող որևէ պացիենտ չունենք, նաև չունենք այլ բուժհաստատություններում տեղափոխման սպասող հիվանդներ: Ծանր և ծայրահեղ ծանր հիվանդների թիվը շարունակում է մնալ կայուն, տատանվում է 650 թվի շուրջ, մոտ 50 մարդ միացված են թոքերի օդափոխության սարքերին»:
Մանրամասները՝ տեսանյութում:
