27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Ո՞ր դեպքում ամբողջովին կվերացվեն սահմանափակումները․ հարց՝ Ավինյանին. ՏԵՍԱՆՅՈՒԹ
13.07.2020 | 15:23
Ի՞նչ պայմանների դեպքում Կառավարությունը կդիտարկի արտակարգ դրությունը դադարեցնելու կամ չերկարաձգելու որոշումը։ Այս հարցն այսօր ԱԺ հատուկ նիստում ՀՀ պարետ Տիգրան Ավինյանին ուղղեց «Լուսավոր Հայաստան» խմբակցության պատգամավոր Արկադի Խաչատրյանը։
«Եթե սահմանափակումների ամբողջական վերացման մասին ենք խոսում, դա նշանակում է, որ աշխարհում տևական ժամանակ պետք է արձանագրվեն մինիմալ դեպքեր՝ զրոյին մոտ։ Եթե խոսում ենք ներքին սահմանափակումների մասին, դա նշանակում է՝ շաբաթներ, 2-3 շաբաթ ՀՀ-ում որևէ նոր դեպք չի գրանցվել»,- նշեց Ավինյանը։
Պատգամավորի հաջորդ հարցը վերաբերում էր կորոնավիրուսի բուժման մեջ օգտագործվող «Ռեմդեսիվիր» դեղամիջոցին։ Ավինյանը նշեց, որ Հայաստանը կատարել է դեղամիջոցի գնում, բայց այն հասանելի չի լինելու դեղատներում, այլ օգտագործվելու է կորոնավիրուսի բուժման նպատակով համապատասխան բժշկական հաստատություններում։
Մանրամասները՝ տեսանյութում։
