18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Ալիևն Անվտանգության խորհրդի նիստ է հրավիրել ու խոսել զոհվածների մասին
Քաղաքականություն
13.07.2020 | 15:21
Ադրբեջանի նախագահ Իլհամ Ալիևն այսօր Անվտանգության խորհրդի նիստ է հրավիրել։ Ադրբեջանական լրատվամիջոցների փոխանցմամբ՝ նիստն անցկացվել է դռնփակ ու հեռավար։
Ալիևը նշել է, որ երեկ «սահմանին տեղի ունեցած գործողությունների արդյունքում մի քանի ադրբեջանցի զինծառայողներ են զոհվել»։ Կոնկրետ թիվ, սակայն, չի նշել։ Նա, միաժամանակ, որպես նախահարձակ նշել է հայկական կողմին։
«Հայերը հանկարծակի հրետանային հարձակում են սկսել մեր դիրքի վրա, որի արդյունքում զոհվել ու վիրավորվել են մեր զինծառայողները»,- ասել է Ալիևը՝ հավելելով, որ սահմանին իրավիճակը շարունակում է լարված մնալ։
Իլհամ Ալիևը նաև ասել է, որ դիմել են միջազգային տարբեր կառույցների, և եթե իրավիճակը թույլ տա, օտարերկրյա պետությունների զինվորական ներկայացուցիչներին կհրավիրեն բախումների շրջան։
Հավելենք, որ Ադրբեջանի ՊՆ-ն հայտնել է ադրբեջանական զինուժի 4 զինծառայողի մահվան մասին։
