18.11.2024 | 11:23
Կարեն Անդրեասյանից հետո ԲԴԽ նախագահի պարտականությունները կկատարի Արմեն Դանիելյանը
Շիրակի մարզում կորոնավիրուսի 48 նոր դեպք է հաստատվել․ մահվան նոր դեպք կա
13.07.2020 | 14:44
Շիրակի մարզպետարանի հրապարակած տվյալներով՝ հուլիսի 13-ի ժամը 11.30-ի դրությամբ Գյումրու ինֆեկցիոն հիվանդանոցում կորոնավիրուսով Շիրակի մարզի 68 հիվանդ բնակիչ է բուժվում։
Ընդհանուր առմամբ, արձանագրվել է մահվան 25 դեպք։ Մահվան վերջին դեպքը գրանցվել է Գյումրու ինֆեկցիոն հիվանդանոցում, մահացածը Գյումրիի տարեցների տուն-ինտերնատի շահառուներից է։
Մարտի 1-ից մինչ օրս Շիրակի մարզի բուժհաստատություններում և հիվանդությունների վերահսկման և կանխարգելման ազգային կենտրոնի մարզային կենտրոնում իրականացվել է 5․836 նմուշառում, մայիսի 12-ից հուլիսի 12-ը ներառյալ Գյումրիում իրականացվել է 4․482 նմուշառման հետազոտություն։
Հուլիսի 12-ին հաստատվել է կորոնավիրուսային հիվանդության 48 նոր դեպք։
Մարզում, այսօրվա դրությամբ, տնային ինքնամեկուսացման ցուցում ունի 967 քաղաքացի, նրանցից 274-ի մոտ դրական ախտորոշում կա՝ հիվանդության անախտանիշ ընթացքով։ Նրանց հսկողությունն իրականացվում է առողջության առաջնային օղակի կողմից։
Կորոնավիրուսից առողջացել ու հիվանդանոցից մինչև օրս դուրս է գրվել Շիրակի մարզի 356 բնակիչ։ 45 հիվանդներ տեղափոխվել են մայրաքաղաք։
