Կառավարության այսօրվա նիստին ՀՀ առողջապահության նախարար Արսեն Թորոսյանը ներկայացրեց կորոնավիրուսային իրավիճակը Հայաստանում։
«Շաբաթ օրը ունեցել ենք 577 նոր դեպք,կիրակի 182 դեպք, ընդհանուր՝ դեպքերի քանակը դառնում է 32 հազար 151», – ասաց նա։
Նախարարի խոսքով՝ կիրակի օրվա դեպքերի թիվը ցածր է, որը պայմանավորված է ոչ աշխատանքային օրով ու քիչ թեստավորմամբ։ «Ծայրահեղ ծանր ու ծանր պացիենտների թիվը կրկին մնում է բարձր, գումարային՝ մոտ 650 հոգի, որից 43-ը միացված է թոքերի արհեստական օդափոխության սարքերին», – ասաց նախարարը։
Թորոսյանը նշեց, որ վերակենդանացման բաժանմունքները գրեթե ամբողջությամբ լիքն են, իսկ սովորական մահճակալներն ու թթվածնով ապահոված մահճակալները հարաբերականորեն ավելի քիչ լարված են։ «Այս առումով ունենք շատ փոքր դրական դինամիկա», – ասաց նա։
Թորոսյանը նշեց, որ չկա տանը հոսպիտալացման սպասող որևէ քաղաքացի:
Մանրամասները՝ տեսանյութում։
