Ասում են՝ «և-և» արեցինք, որևէ «և-և» տեղի չի ունեցել. Էդմոն Մարուքյանի փաստարկները՝ ԵՏՄ-ից դուրս գալու վերաբերյալ

Ազգային ժողովում ընթանում են խորհրդարանական լսումներ՝ ՀՀ ԱԺ «Ելք» խմբակցության հեղինակած «ՀՀ մասով Եվրասիական տնտեսական միության պայմանագրի գործողությունը դադարեցնելու գործընթաց սկսելու վերաբերյալ» ԱԺ հայտարարության նախագծի վերաբերյալ: Ելույթով հանդես եկավ հիմնական զեկուցող, «Ելք» դաշինքի պատգամավոր Էդմոն Մարուքյանը՝ ներկայացնելով նախ հայտարարության տեքստը, ապա իրենց դիտարկումները՝ հարցի առնչությամբ:

Պատգամավորը շեշտեց՝ ԵՏՄ-ն ոչ միայն տնտեսական առաջընթաց չի ապահովել, այլև խաթարել է Հայաստանի անվտանգությունը:

«Մեզ ասում են՝ գիտենք ինչ կա, մտել ենք ԵՏՄ՝ մնանք աշխատենք: Եթե համաձայնագիրը գործեր՝ գուցե մեր փաստարկները թույլ լինեին, բայց ԵՏՄ համաձայնագիրը չի գործում: Սա հերթական նախաձեռնությունն է, որ մնացել է թղթի վրա»,- ընդգծեց ընդդիմադիր պատգամավորը՝ նկատելով, որ չկա կապիտալի ազատ տեղաշարժ:

«Երկու վարչական խախտման համար ՀՀ քաղաքացին, որը վճարում է  տուգանքը, կարող դեպորտի ենթարկվել: Ասում են՝ կարգուկանոնը լավը չի , բայց պետք է կարողանալ օգտվել դրանից: Մենք չենք ուզում լինել մի միության անդամ որտեղ պետք է  «շուստրի» լինել՝ օգուտ ստանալու համար: Մյուսը դա շանտաժն է, որ էսպես չլինի էնպես կլինի և այլն»,- շարունակեց Էդմոն Մարուքյանը:

Մարուքյանը հայտարարեց, որ Հայաստան-ԵՄ համաձայնագրի ստորագրումով Հայաստանն ընդամենը թարմացրել է իր իրավապայմանագրային հենքը. «Ասում են՝ «և-և» արեցինք, որևէ «և-և» տեղի չի ունեցել: «Եվ-և»  կարող էր լինել, եթե ստորագրվեր ասոցացման պայմանագիր»:

Մանրամասները՝ տեսանյութում: