27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
«Հարազատը սխալ մարդու դի է ճանաչել». Արսեն Թորոսյանը՝ գյումրեցի կնոջ կորած դիակի մասին․ ՏԵՍԱՆՅՈՒԹ
03.07.2020 | 15:42
ՀՀ առողջապահության նախարար Արսեն Թորոսյանն ասօր վկայի կարգավիճակով հարցաքննվելուց հետո լրագրողների հետ զրույցում անդրադարձավ կորոնավիրուսից մահացած գյումրեցի տատիկի դին չգտնելու դեպքին։
«Տեղի է ունեցել շփոթմունք ճանաչման, ինչպես նաև դիերի տեղափոխման պրոցեսում: Տեղի է ունենում ճանաչում, որն այս դեպքում սխալ է տեղի ունեցել, հարազատը ճանաչել է իր հարազատի դին, սակայն իրականում այդպես չի եղել: Հետո նրանք ներողություն են խնդրել, որ սխալ մարդու դի են ճանաչել»,-պարզաբանեց Թորոսյանը:
Հիշեցնենք, որ ավելի վաղ «Բարգավաճ Հայաստան» խմբակցության պատգամավոր Նաիրա Զոհրաբյանն իր ֆեյսբուքյան էջում գրել էր, որ ահազանգ է ստացել, թե կորել է գյումրեցի մի տատիկի դի: Առողջապահության նախարարությունից արձագանքել էին, որ տեղյակ են խնդրի մասին։ Հաջորդ օրը կնոջ դին հայտնաբերվել և հանձնվել է հարազատներին։
