10.08.2026 | 12:04
11 տարի հետախուզման մեջ գտնվող՝ 10.9 մլն եվրո հափշտակության գործով մեղադրյալը հայտնաբերվել է. նախաքննությունն ավարտվել է
Ինչպե՞ս կազմակերպել աշխատանքային հանդիպումները համավարակի պայմաններում. ԱՀԿ
03.07.2020 | 15:44
Առողջապահության համաշխարհային կազմակերպությունը հաղորդագրություն է տարածել, որտեղ ցուցումներ է տալիս, թե ինչպես կազմակերպել աշխատանքային հանդիպումները համավարակի պայմաններում:
? Աշխատավայրում հանդիպումներ կազմակերպելիս հիշեք, որ մասնակիցները կարող են վիրուսակիր լինել և չգիտակցելով վարակել մյուսներին։ #Covid19-ով վարակված 5 մարդկանցից մեկը ստացիոնար բուժման կարիք է ունենում։
✔️ Աշխատանքային հանդիպում կազմակերպելիս նախ փորձեք դա անել առցանց հարթակում։ Եթե հնարավոր չէ առցանց կազմակերպել, ապա փորձեք հնարավորինս քիչ մարդկանց հրավիրել դեմ առ դեմ հանդիպման։
✔️Համոզվեք, որ հանդիպման վայրում առկա են անհրաժեշտ բոլոր պարագաները՝ ներառյալ թաց անձեռոցիկ և ախտահանող հեղուկ։
✔️Մշտադիտարկեք վիրուսի տարածումը և ախտանշաններ ունեցող մարդկանց հորդորեք չմասնակցել հանդիպմանը։
✔️Համոզվեք, որ հանդիպման կազմակերպիչները, մասնակիցները և բոլոր մատակարարները հայտնել են իրենց կոնտակտային տվյալները, որոնք վիրուսակրի բացահայտման դեպքում կփոխանցվեն համապատասխան մարմիններին։
? Հանդիպման ընթացքում
✔️Հանդիպման ընթացքում ողջունեք իրար առանց ձեռքսեղմումների։
✔️Հորդորեք մասնակիցներին պարբերաբար լվանալ կամ ախտահանել ձեռքերը։
✔️Մասնակիցների աթոռները դասավորեք մեկ մետր հեռավորությունը պահպանելով։
✔️Բացեք դռներն ու պատուհանները՝ ապահովելով սենյակի պատշաճ օդափոխությունը։
? Հանդիպումից հետո
✔️Հանդիպումից հետո առնվազն մեկ ամիս պահպանեք մասնակիցների կոնտակտային տվյալները․ վիրուսակրի հայտնաբերման դեպքում այս տեղեկատվությունը կօգնի պատկան մարմիններին։
✔️Եթե մասնակիցներից որևէ մեկի մոտ Covid-19 է ախտորոշվել, հանդիպման կազմակերպիչը պետք է այդ մասին տեղյակ պահի մյուս մասնակիցներին՝ խնդրելով նրանց առաջիկա 14 օրվա ընթացքում պարբերաբար (օրվա մեջ երկու անգամ) չափել իրենց ջերմությունն ու հետևել ախտանշանների զարգացմանը։
✔️Ախտանշաններ ի հայտ գալու դեպքում այդ մարդիկ պետք է ինքնամեկուսանան՝ նաև ընտանիքի անդամներից պահելով առնվազն մեկ մետր հեռավորություն։ Նրանք պետք է դիմեն բժշկական հաստատություն կամ պատասխանատու այլ մարմնի։
