ՔՊ-ն, փաստորեն, մենակ է մնացել, մնացած ուժերն ընդդիմադիր են․ ՀՅԴ անդամ Արթուր Խաչատրյան. ՏԵՍԱՆՅՈՒԹ

Factor.am-ի հարցազրույցը ՀՅԴ ԳՄ անդամ Արթուր Խաչատրյանի հետ

-Պարոն Խաչատրյան, ինչպես հայտնի է «Բարգավաճ Հայաստան» և «Հայրենիք» կուսակցությունների հետ կա որոշակի գործակցություն, սակայն հուշագիր չստորագրվեց ձեր և այդ ուժերի միջև, ինչի մասին ավելի վաղ հայտարարվում էր։ Ի՞նչն էր պատճառը։

-Ընդհանրապես, տարբեր քաղաքական ուժերի միջև շփումները նորմալ երևույթ է աշխարհի բոլոր երկրներում։ Որոշ դեպքերում համագործակցությունը կարող է ֆորմալացվել, որոշ դեպքերում՝ ոչ։ Որոշվեց այս անգամ այսպես աշխատել. մտքերի փոխանակում լինի, աշխատանքային խումբ ստեղծել, որպեսզի ավելի լայն օրակարգով կարողանանք համախմբել Հայաստանի ավելի շատ քաղաքական ուժերի։ Եթե տպենք կուսակցությունների ցանկը՝ կտեսնենք, որ «Քաղաքացիական պայմանագիր» կուսակցությունը, փաստորեն, մենակ է մնացել։ Մնացած բոլոր կուսակցությունները մի քիչ շատ, մի քիչ ավելի քիչ ընդդիմադիր են այսօրվա իշխող կուսակցությանը։

-Իսկ հուշագիր չստորագրելու պատճառներից մեկն արդյոք այն չի՞ եղել, որ ԲՀԿ-ի և «Հայրենիք»-ի ղեկավար կազմին դուր չի եկել ՀՅԴ-ի հեղինակած հուշագրի տեքստը։

-Ոչ։

-Չի՞ եղել կոնֆլիկտ, խնդիր։

-Եթե կոնֆլիկտ լիներ՝ երեք կուսակցությունները նախորդ օրը չէին տանի և Գլխավոր դատախազություն չէին ներկայացնի իշխանության զավթման վերաբերյալ հայտարարություն։ Պարտադրված որևէ համագործակցություն չկա։ Կուսակցություններ են, որոնք կարող են նստել և ինչ-որ հարցի շուրջ խոսել և ինչ-որ հարցի շուրջ չխոսել։

Հարցազրույցն ամբողջությամբ՝ տեսանյութում:

Մերի Մարտիրոսյան